لندن (این این آئی)برطانوی شہزادی کیتھرین
مڈلٹن نے اپنے شوہر شہزادہ ولیم پر زور دیا ہے کہ وہ اپنے ناراض بھائی شہزادہ ہیری سے تعلقات بہتر بنائیں۔غیر ملکی ویب سائٹ کے مطابق شاہی خاندان کے قریبی ذرائع کا دعوی ہے کہ کیٹ مڈلٹن طویل عرصے سے جاری دونوں بھائیوں کی دوری پر تشویش کا شکار ہیں اور سمجھتی ہیں کہ اختلافات ختم ہونے کا انتظار کرنے کے بجائے بات چیت کا آغاز ہونا چاہیے۔شاہی ذرائع کے مطابق کیٹ مڈلٹن خاندان میں صلح اور مفاہمت کی حامی ہیں اور چاہتی ہیں کہ دونوں بھائی اپنے اختلافات برقرار رہنے کے باوجود رابطے کی بحالی کی جانب قدم بڑھائیں تاہم شہزادہ ولیم اس تجویز پر آمادہ نہیں۔ریڈار آن لائن کی رپورٹ میں دعوی کیا گیا ہے کہ اس معاملے پر کیٹ مڈلٹن اور شہزادہ ولیم کے درمیان اختلافات بھی پیدا ہوئے ہیں۔
