اسلام آباد: (ویب ڈیسک) ایشین بیس بال فیڈریشن کے زیراہتمام ایشین ویمنز بیس بال چیمپئن شپ 21 مئی سے 2 جون تک ہانگ کانگ میں کھیلی جائے گی۔
چیمپئن شپ میں پاکستان سمیت ہانگ کانگ، جاپان، کوریا، تائیوان، چین، فلپائن، بنگلہ دیش، بھارت، انڈونیشیا، ملائیشیا اور سری لنکا کی خواتین کھلاڑی حصہ لیں گی۔
پاکستان بیس بال فیڈریشن کے صدر سید فخر علی شاہ نے بتایا کہ چیمپئن شپ میں شرکت کی تیاریاں شروع کردی گئی ہیں۔
یاد رہے کہ چیمپئن شپ ورلڈ کپ کوالیفائنگ راؤنڈ کے طور پر بھی کھیلی جائے گی۔
