کراچی: (ویب ڈیسک) انٹربینک کے بعد اوپن مارکیٹ میں بھی ڈالر کی قیمت میں ریکارڈ کمی واقع ہوئی ہے۔
کاروباری ہفتے کے چوتھے روز پاکستانی روپے کی قدر میں بہتری آئی ہے، اوپن مارکیٹ میں ڈالر کی قیمت میں 19 روپے کمی دیکھی گئی جس کے بعد اوپن مارکیٹ میں ڈالر 298 روپے میں فروخت ہو رہا ہے۔
انٹر بینک میں بھی ڈالر کی قیمت 32 پیسے کم ہوئی ہے، کمی کے بعد انٹربینک میں امریکی کرنسی 285 روپے 15 پیسے پر ٹریڈ کر رہی ہے۔
یاد رہے کہ گزشتہ روز کاروبار کے اختتام پر انٹر بینک میں ڈالر 285 روپے 47 پیسے پر بند ہوا تھا۔
دوسری جانب ریال کی قیمت میں ایک روپے 40 پیسے کمی ہوئی جس کے بعد سعودی کرنسی 82 روپے پر فروخت ہو رہی ہے جبکہ یو اے ای درہم بھی ایک روپے سستا ہو کر 84 روپے 50 پیسے کا ہوگیا ہے۔
