نوکوالوفا : (ویب ڈیسک) ٹونگا جزائر میں 6.4 شدت زلزلے کے جھٹکے محسوس کئے گئے ہیں ۔
تفصیلات کے مطابق زلزلہ ٹونگا جزائر کے جنوبی علاقے میں آیا، زلزلے کے باعث شہریوں میں خوف و ہراس پھیل گیا تاہم کسی جانی نقصان کی اطلاع موصول نہیں ہوئی ۔
یورپی زلزلہ پیما مرکز کی جانب سے بتایا گیا ہے کہ زلزلے کی شدت 6.4 اور اس کی گہرائی 40 کلومیٹر ریکارڈ کی گئی۔
خیال رہےکہ کچھ روز قبل بھی ٹونگا میں زلزلہ آیا تھا جس کی شدت ریکٹر سکیل پر 7.2 ریکارڈ کی گئی تھی۔
امریکی سونامی سینٹر نے زلزلے کے بعد سونامی کے خطرے کے امکان کو مسترد کیا تھا اور اس حوالے سےکوئی وارننگ جاری نہیں کی گئی تھی۔
