امریکا اور چین کے درمیان ایک بڑے سودے کے حوالے سے اختلافات ابھرتے ہیں۔ ایک بڑے صنعتی ادارے کو جاپان کے ہاتھ بیچنے پر شدید ردِعمل دکھائی دیا ہے۔
امریکی صدر جو بائیڈن نے کہا ہے کہ وہ یو ایس اسٹیل کو جاپان کے ادارے نپون اسٹیل کے ہاتھ فروخت کیے جانے کے خلاف ہیں کیونکہ یہ سودا امریکا کے لیے قومی سلامتی کا مسئلہ کھڑا کردے گا۔
جاپان میں فولاد تیار کرنے والے سب سے بڑے ادارے نپون اسٹیل نے گزشتہ دسمبر میں یو ایس اسٹیل کو 15 ارب ڈالر میں خریدنے پر رضامندی ظاہر کردی تھی۔
یو اسٹیل کو نپون اسٹیل کے ہاتھ فروخت کرنے کی تجویز کو امریکا میں سیاست دانوں اور مزدور انجمنوں کی طرف سے شدید مزاحمت کا سامنا رہا ہے۔ بیشتر ناقدین نے اس سودے کو قومی سلامتی کی بنیاد پر مسترد کیا ہے۔
سابق امریکی صدر ڈونلڈ ٹرمپ نے کئی مواقع پر کہا ہے کہ اگر وہ دوبارہ صدر منتخب ہوئے تو اِس سودے کو منسوخ کرنے میں ایک سیکنڈ کی دیر نہیں لگائیں گے۔
