سعودی عرب میں مساجد کے اندر تجارتی مصنوعات کے لیے تشہیری ویڈیوز بنانے والوں کے خلاف قانونی کارروائی کا فیصلہ کیا گیا ہے۔
عرب میڈیا کے مطابق وزارتِ اسلامی امور اور دعوت و رہنمائی نے مسجد کے اندر مارکیٹنگ اور تجارتی مصنوعات کی تشہیری ویڈیو بنانے پر ایک سوشل میڈیا صارف کے خلاف تحقیقات کا آغاز کیا ہے۔
سعودی عرب کے وزارت اسلامی امور اور دعوت و رہنمائی کے بیان میں کہا گیا ہے کہ اس سوشل میڈیا صارف نے مسجد کے اندر شوٹ کئی گئی مارکیٹنگ ویڈیو کو اپنے سوشل میڈیا اکاؤنٹ پر شیئر کیا تھا۔
وزارت کے بقول اس قسم کی شوٹنگ سے اللہ کے گھروں کے تقدس کی پامالی کا خطرہ ہے اور یہ قانون کے مطابق جرم ہے جس پر اب کارروائی کی جائے گی۔
بیان میں شہریوں سے درخواست کی گئی ہے کہ مساجد میں ایسی ویڈیو بناتے ہوئے کسی کو دیکھیں تو وزارت کو اطلاع دیں۔ اطلاع دینے والوں کی شناخت مخفی رکھی جائے گی۔
دریں اثنا سعودی حکومت نے شہریوں سے مسجد الحرام ، مسجد نبوی اور دیگر مساجد میں عبادتوں کے علاوہ دیگر سرگرمیوں جیسے تصاویر اور ویڈیوز بنانے جیسے غیر مصرف کاموں سے اجتناب برتنے کی ہدایت کی ہے۔
https://khabraindigital.com/9636
