کراچی: محکمہ موسمیات کا کہنا ہےکہ شہر قائد آج بھی شدید گرم اور خشک موسم کی لپیٹ میں ہے۔
محکمہ موسمیات کا بتانا ہے کہ کراچی میں پارہ 43 ڈگری سینٹی گریڈ تک پہنچ گیا ہے اور شہر میں اس وقت ہوا میں نمی کا تناسب 7 فیصد ہے، شمال مغرب سے گرم اورخشک ہوا 19 کلومیٹر فی گھنٹہ رفتار سے چل رہی ہے۔
محکمہ موسمیات کے مطابق گزشتہ رات میں کم سے کم درجہ حرارت 29 ڈگری سینٹی گریڈ رہا۔
دوسری جانب طبی ماہرین نے شہریوں کو شدید گرم موسم میں ضروری کام کے علاوہ گھر سے نہ نکلنے کا مشورہ دیتے ہوئے کہا ہے کہ زیادہ سے زیادہ پانی پئیں اور گھر سے باہر جانا ہو تو سر کو ڈھانپ کر نکلیں۔
