اسلام آباد (8 مئی 2026): اقوام متحدہ کے ذیلی ادارے یونیسکو میں شاندار کیریئر بنانے کا نادر موقع ہے اہلیت شرائط اور اپلائی کرنے کا طریقہ بہت آسان ہے۔
ہر پڑھے لکھے شخص کی خواہش ہوتی ہے کہ وہ اچھی ملازمت حاصل کر کے اپنا شاندار مستقبل بنا سکے۔ ایسے ہی اعلیٰ تعلیم یافتہ افراد کے لیے اقوام متحدہ کے ذیلی ادارے میں ملازمت حاصل کر کے اپنا بین الاقوامی کیریئر بنانے اور اپنے خواب کی تعبیر پانے کا نادر موقع ہے۔
یونیسکو یہ ملازمتیں مختلف ممالک میں ہوتی ہیں اور ان کے لیے مضبوط پیشہ ورانہ مہارت اور تجربہ درکار ہوتا ہے۔
پروفیشنل اور اعلیٰ سطح کی کیٹیگریز:
بین الاقوامی سطح کی زیادہ تر نوکریاں پروفیشنل (P) اور اس سے اوپر کی کیٹیگری میں آتی ہیں۔ ان عہدوں کے لیے مضبوط تجزیاتی صلاحیت، بہترین کمیونیکیشن اسکلز اور قیادت کی اہلیت ضروری ہوتی ہے۔
ابتدائی سطح (P-1، P-2):
P-2 کے لیے کم از کم 2 سال کا تجربہ ضروری ہوتا ہے، جس میں ایک سال بین الاقوامی تجربہ شامل ہونا چاہیے۔
درمیانی سطح (P-3، P-4):
اس پوسٹ کے لیے 4 سے 7 سال تک کا تجربہ درکار ہوتا ہے۔
اعلیٰ سطح (P-5، D-1، D-2):
یہ سینئر عہدے ہوتے ہیں جن کے لیے 10 سے 15 سال کا تجربہ ضروری ہوتا ہے، جس کا بڑا حصہ بین الاقوامی ہونا چاہیے۔
اس کے علاوہ نیشنل پروفیشنل آفیسرز بھی ہوتے ہیں جو اپنے ہی ملک میں کام کرتے ہیں لیکن ان کے انتخاب کے معیار بین الاقوامی ملازمین جیسے ہی ہوتے ہیں۔
یونیسکو مختلف منصوبوں کے لیے کنسلٹنٹس بھی رکھتا ہے، جو ریسرچ یا مخصوص کاموں کے لیے ہوتے ہیں، اور بعض اوقات یہ کام گھر بیٹھ کر بھی کیا جا سکتا ہے۔
اہلیت اور ضروری صلاحیتیں:
یونیسکو میں نوکری حاصل کرنے کے لیے عموماً ماسٹرز یا اس کے مساوی اعلیٰ ڈگری ضروری ہوتی ہے، خاص طور پر تعلیم، ثقافت، سائنس، سوشل سائنسز، کمیونیکیشن یا بزنس ایڈمنسٹریشن جیسے شعبوں میں۔
زبان کی مہارت بہت اہم ہے۔ انگریزی یا فرانسیسی میں سے کسی ایک زبان پر مکمل عبور لازمی ہے، جبکہ دوسری زبان جاننا اضافی فائدہ دیتا ہے۔ اس کے علاوہ عربی، چینی، ہسپانوی یا روسی زبانوں کی معلومات آپ کے مواقع کو مزید بڑھا سکتی ہے۔
صرف تعلیم ہی نہیں بلکہ آپ کی سافٹ اسکلز بھی اہم ہوتی ہیں، جیسے دباؤ میں کام کرنے کی صلاحیت، مختلف ثقافتوں میں کام کرنے کی اہلیت، اور اچھی تحریری و تحقیقی صلاحیت۔
تنخواہ اور سہولیات:
یونیسکو اپنے ملازمین کو ایک معیاری اور مسابقتی پیکیج فراہم کرتا ہے، جس میں بنیادی تنخواہ کے ساتھ اضافی الاؤنس شامل ہوتا ہے، جو اس ملک کے اخراجاتِ زندگی کے مطابق ہوتا ہے۔
اضافی سہولتیں:
خاندانی الاؤنس
بچوں کی تعلیم کے اخراجات میں مدد
رہائش اور منتقل ہونے کے اخراجات
مشکل علاقوں میں کام کرنے پر اضافی الاؤنس
درخواست دینے کا طریقہ:
تمام درخواستیں یونیسکو کی سرکاری ویب سائٹ کے ذریعے دی جاتی ہیں۔ انتخاب کا عمل عام طور پر درج ذیل مراحل پر مشتمل ہوتا ہے۔
درخواست کی ابتدائی جانچ کے بعد امیدوار کا تحریری ٹیسٹ لیا جاتا ہے۔ کامیاب امیدوار کو انٹرویو کے لیے طلب کیا جاتا ہے اور اس کا ریفرنس چیک کیا جاتا ہے۔
یونیسکو میں موجودہ نوکریوں کی تفصیل کے لیے اس لنک پر کلک کریں:
