کراچی: توثیق حیدر نے کہا ہے کہ کراچی کا مقابلہ کوئی نہیں۔
توثیق حیدر نے کہا کہ لاہور اور کراچی کا موازنہ بہت زیادہ کیا جاتا ہے لیکن ایک چیز میں کراچی کا مقابلہ کوئی نہیں اور وہ ہے کراچی اور بقرہ عید کا فیسٹیول۔
فیسٹیول اس لیے کہہ رہا ہوں کہ پورا ایک جشن ہے، پورے ایشیا کی سب سے بڑی مویشی منڈی کراچی میں لگتی ہے، نوجوان منڈی میں جا رہے ہیں ، جانور نہیں بھی خرید رہے تو بھی منڈیوں کا رخ ہو رہا ہے۔
توثیق حیدر نے کہا کہ پوری پوری رات سڑکوں پر لائٹیں لگی ہوئی ہیں لوگ باہر بیٹھے ہوئے ہیں، گپیں لگ رہی ہیں، کھانے چل رہے ہیں۔
اداکار توثیق حیدر نے کہا کہ جانور بھاگ رہے ہیں انہیں پکڑ رہے ہیں، کراچی کے لوگ کتنے وضع دار ہیں، اتنے چیلنجز کے باوجود زندہ رہنا چاہتے ہیں۔
