کراچی(این این آئی) میٹا نے فیس بک، انسٹاگرام، واٹس ایپ اور میٹا اے آئی کے صارفین کے لیے نئی مشترکہ سبسکرپشن سروس ‘میٹا ون’ متعارف
کرا دی، جس کے تحت مختلف ایپس کی الگ الگ سبسکرپشنز کو ایک ہی بنڈل میں شامل کیا گیا ہے۔میٹا کے مطابق ‘میٹا ون’ کے ذریعے صارفین کو کمپنی کی مختلف ایپس میں متعدد جدید مصنوعی ذہانت کے فیچرز اور پیشہ ورانہ ٹولز تک رسائی حاصل ہوگی۔ نئی سروس کا مقصد فیس بک پلس، انسٹاگرام پلس اور واٹس ایپ پلس میں دستیاب 50 سے زائد فیچرز کو ایک ہی سبسکرپشن کے تحت فراہم کرنا ہے۔کمپنی کے مطابق مذکورہ تینوں سروسز کے موجودہ صارفین کی مجموعی تعداد ڈیڑھ کروڑ سے تجاوز کرچکی ہے، جبکہ نئی سبسکرپشن سروس کے ذریعے صارفین کو مختلف ایپس کے فیچرز ایک ہی منصوبے کے تحت استعمال کرنے کی سہولت فراہم کی جائے گی۔میٹا نے ‘میٹا ون’ کے تحت صارفین کے لیے ‘کور’ اور ‘پریمیم’ پلانز بھی متعارف کرائے ہیں۔
