علی امین کوپنجاب پولیس کی حراست میں بجلی کے جھٹکے دیے گئے تھے: بھائی فیصل امین کا دعویٰ

لاہور(ویب ڈیسک)سابق وزیراعلی خیبر پختونخوا علی امین گنڈاپور کے بھائی اور رکن قومی اسمبلی فیصل امین گنڈا پور نے دعوی کیا ہے کہ علی امین کوپنجاب پولیس کی حراست میں بجلی کے جھٹکے دئیے گئے تھے۔سوشل میڈیا پر جاری بیان میں فیصل امین نے علی امین گنڈاپور کی تصاویربھی شیئر کیں اور کہا کہ سابق وزیراعلی خیبرپختونخوا کی تصاویرشیئرنہیں کرنا چاہتا تھا،لیکن کچھ لوگوں کے پروپیگنڈے کے باعث ایسا کر رہا ہوں۔فیصل امین کا کہنا تھا کہ پنجاب پولیس کی حراست میں علی امین گنڈاپور کو گردن کے پچھلے حصے پربجلی کیجھٹکے دییگئے تھے، اس تکلیف دہ چوٹ کو وہ برسوں سے برداشت کر رہے تھے، بالآخر اسے دور کرنیکے لیے سرجری کی گئی، ان کی گردن کے پچھلے حصے پر 9 ٹانکے آئے۔رکن قومی اسمبلی فیصل امین کا کہنا تھا کہ پروپیگنڈا کرنے والوں کے پیاروں کوبھی ایساہی کچھ ہو تو انہیں پتا چلے۔