سہیل آفریدی انتظامی اور سیاسی طور پر فارغ ہوچکے: عطا تارڑ

اسلام آباد(مانیٹرنگ ڈیسک) وفاقی وزیر اطلاعات و نشریات عطا تارڑ نے کہا ہے کہ سہیل آفریدی انتظامی طور پر فارغ، اب سیاسی طور پر بھی ہوچکے ہیں۔کوآرڈینیٹر اختیار ولی خان کے ہمراہ پریس کانفرنس کرتے ہوئے عطا تارڑ کا کہنا تھا کہ شہباز شریف نے اقوام متحدہ کی جنرل اسمبلی سے خطاب کے دوران فلسطینی عوام کے حق میں دوٹوک مقف اختیار کرتے ہوئے اسرائیلی مظالم کی بھرپور مذمت کی۔انہوں نے کہا کہ وزیراعظم نے واشگاف الفاظ میں پوری امت مسلمہ کا مقدمہ لڑا اور فلسطین کے مسئلے کو عالمی فورم پر بھرپور انداز میں اجاگر کیا۔وفاقی وزیر اطلاعات کا کہنا تھا کہ فلسطینی نمائندوں نے وزیراعظم کی تقریر کو دل کھول کر سراہا، جبکہ دنیا بھر میں بھی ان کے خطاب کی پذیرائی ہوئی، وزیراعظم کے فلسطینی عوام کے لیے جذبات محض الفاظ تک محدود نہیں بلکہ عملی اقدامات بھی سب کے سامنے ہیں۔عطا تارڑ نے بتایا کہ پاکستان کی جانب سے فلسطینی عوام کے لیے امدادی سامان بھی بھجوایا گیا جب کہ وزیراعظم شہباز شریف نے فلسطینی طلبہ کی پاکستان میں میڈیکل تعلیم کے حوالے سے بھی کردار ادا کیا ہے، فلسطین کے طلبہ پاکستان میں تعلیم حاصل کر رہے ہیں۔وفاقی وزیر اطلاعات کا کہنا تھا کہ وزیراعظم نے اقوام متحدہ میں اسلاموفوبیا کی بھی مذمت کی اور فلسطین کا مقدمہ بھرپور طریقے سے لڑتے ہوئے اسرائیلی مظالم کے خلاف واضح مقف پیش کیا۔دوسری جانب عطا تارڑ نے کہا کہ فیلڈ مارشل سید عاصم منیر کی دلیرانہ قیادت میں بھارت کو منہ توڑ جواب دیا گیا۔انہوں نے تحریک انصاف کے لانگ مارچ کو مخر کیے جانے پر سخت ردعمل دیتے ہوئے کہا ہے کہ پی ٹی آئی کی جانب سے لانگ مارچ کے حوالے سے کوئی تیاری نہیں تھی، ہمت ہے تو آجا کہنے پر خیبرپختونخوا حکومت کو آگ لگ گئی، اب پانچ اکتوبر کی تاریخ دے دیں، کوئی فرق نہیں پڑتا۔