چوہنگ:ڈکیتی مزاحمت پر ڈاکوئوں نے 33 سالہ شخص قتل کر دیا

لاہور (کرائم رپورٹر) چوہنگ علاقے میںڈکیتی مزاحمت پر ڈاکوئوں نے فائرنگ کر کے33 سالہ شخص کو قتل کر دیا اور موقع سے فرار ہو گئے’ پولیس نے لاش پوسٹ مارٹم کے لیے منتقل کرکے سیف سٹی کیمروں کی مدد سے ملزمان کی تلاش شروع کر دی۔ ایدھی ترجمان کے مطابق چوہنگ کے علاقے شاہ پور کانجراں میں ڈکیتی کی واردات کے دوران مزاحمت پر ڈاکوئوں نے فائرنگ کرکے33 سالہ شہری کو قتل کر دیا اور موقع سے فرار ہو گئے مقتول کی شناخت 33 سالہ شیر علی کے نام سے ہوئی۔ اطلاع ملنے پر پولیس نے لاش پوسٹمارٹم کے لئے منتقل کر کے ملزمان کی تلاش شروع کر دی پولیس کا کہنا ہے کہ ڈکیتی سمیت ذاتی دشمنی اور دیگر پہلوئوں سے قتل کی تحقیقات کر رہے ہیں جلد ملزمان کو گرفتار کر لیا جائے گا۔