مدینہ بس نیٹ ورک نے یکم اکتوبر 2026 سے پبلک ٹرانسپورٹ سروس میں توسیع کرتے ہوئے نئے روٹس اور اضافی اسٹاپس متعارف کرائے ہیں۔ توسیع کے بعد نیٹ ورک 16 روٹس اور 476 اسٹاپس پر مشتمل ہوگیا ہے۔
نئی سہولیات میں حرمین ہائی اسپیڈ ریلوے اسٹیشن سے مسجد نبوی ﷺ تک براہِ راست بس روٹ بھی شامل ہے، جس سے ٹرین کے ذریعے مدینہ پہنچنے والے مسافروں اور زائرین کو مسجد نبوی ﷺ تک رسائی میں آسانی ہوگی۔
رپورٹس کے مطابق ایئرپورٹ بس کا کرایہ کم کرکے 3.45 سعودی ریال کردیا گیا ہے، جس سے شہیدِ مدینہ انٹرنیشنل ایئرپورٹ سے شہر کے مختلف علاقوں تک سفر زیادہ سستا ہوگا۔
مدینہ کے پبلک ٹرانسپورٹ نیٹ ورک میں الجبَل پارک اور کنگ فہد پلان کے درمیان نئے رابطے اور تھرڈ رنگ روڈ پر بھی نیا روٹ شامل کیا گیا ہے، جو یونیورسٹیوں، ٹیکنیکل کالج، یونیورسٹی اسپتال اور سول افیئرز دفاتر جیسے اہم مقامات کو جوڑے گا۔
اس سے قبل روٹ 400 ایئرپورٹ اور مسجد نبوی ﷺ کے درمیان 24 گھنٹے براہِ راست سروس فراہم کرتا رہا ہے۔ سعودی پریس ایجنسی کے مطابق یہ روٹ زائرین اور معتمرین کو دن رات ایئرپورٹ اور مسجد نبوی ﷺ کے درمیان سفر کی سہولت دیتا ہے۔
مدینہ منورہ میں نئی بس سروسز کا آغاز، ایئرپورٹ کرایہ کم اور مسجد نبوی ﷺ کیلئے براہِ راست روٹ متعارف
