پنجاب حکومت نے سرپلس پول کے ملازمین کے لیے ایڈجسٹمنٹ پلان کی منظوری دے دی

ملتان (نامہ نگار خصوصی) پنجاب حکومت نے سرپلس پول کے ملازمین کے لیے ایڈجسٹمنٹ پلان کی منظوری دے دی جس پر عملدرآمد فوری نافذالعمل قرار دیا گیا ہے۔پہلے مرحلہ میں محکمہ بہبود آبادی جوکہ محکمہ صحت میں ضم ہوا اس کے سرپلس ملازمین کو مختلف دفاترمحکموں میں عارضی طور پر ایڈجسٹ کرنے کا فیصلہ کیا گیا ہے۔ یہ ایڈجسٹمنٹ 28 ستمبر 2026 سے فوری طور پر نافذ العمل  ہوگی۔منظور شدہ پلان کے تحت سرکاری محکموں کے سر پلس ملازمین کی ایڈجسٹمنٹ کو صرف سٹاپ گیپ ارینجمنٹ تصور کیا جائے گا۔ اس سے ملازمین کو مستقل تقرری، ترقی یا ریگولر ایڈجسٹمنٹ کا حق حاصل نہیں ہوگا۔سر پلس ملازمین کسی دوسرے محکمہ میں باقاعدہ ایڈجسٹ ہونے تک محکمہ سروسز اینڈ جنرل ایڈمنسٹریٹریشں کے سر پلس پول میں شامل رہیں گے۔جس متبادل محکمہ میں سر پلس ملازمین بھیجے جائیں گے اس محکمہ کے متعلقہ سر براہوں’ سر پلس پول کے ملازمین کی جوائننگ تاریخ کی اطلاع تحریری طور پر محکمہ ایس اینڈ جی اے ڈی کو دینے کے پابند ہوں گے۔تکنیکی کیڈر پوسٹ پر صرف مطلوبہ اہلیت، تجربہ اور شرائط پوری کرنے والے سر پلس ملازمین ہی ایڈجسٹ کے اہل ہوں گے۔
ایڈجسٹمنٹ