اسپین میں گزشتہ چند روز سے جاری شدید بارشوں اور طوفانی موسم نے کئی علاقوں میں سیلابی صورتحال پیدا کردی۔ الباسیٹے کے علاقے مادریگیراس (Madrigueras) میں موسلا دھار بارش کے بعد آنے والے سیلابی ریلے نے سڑکوں کو زیرِ آب کردیا اور متعدد گاڑیاں پانی میں بہہ گئیں۔
مقامی حکام کے مطابق علاقے میں 142 ملی میٹر فی مربع میٹر تک بارش ریکارڈ کی گئی۔ سیلابی پانی گھروں میں داخل ہوگیا، جبکہ ایک گھر میں پانی ایک میٹر سے زیادہ بلند ہونے کے باعث 102 سالہ خاتون جاں بحق ہوگئیں۔
ریسکیو اداروں نے سیلاب میں پھنسے تقریباً 90 افراد کو محفوظ مقامات پر منتقل کیا۔ حکام نے متاثرہ علاقے میں ہنگامی صورتحال نافذ کرتے ہوئے امدادی کارروائیاں شروع کردیں، جبکہ پانی میں پھنسنے اور متاثر ہونے والی گاڑیوں کو ہٹانے کا کام بھی جاری ہے
