بھارت: ” سی ای سی ” کے استعفے کے مطالبے میں تیزی ،ممبئی میںہزاروںلوگوں کا احتجاج

ممبئی (این این آئی) ریاست مہاراشٹر کے دارالحکومت میں ہزاروں افراد نے کاکروچ جنتا پارٹی (سی جے پی) کے احتجاج میں حصہ لیا جو چیف
الیکشن کمشنر گیانیش کمار کے استعفے پر زور دینے کیلئے کیا گیا۔ کشمیر میڈیا سروس کے مطابق انتظامیہ نے ممبئی کے پارک میں احتجاج کی اجازت دینے سے انکار کیا تھا لیکن اس کے باوجود خواتین سمیت ہزاروں لوگ پابندیوں، رکاوٹوں کو خاطر میں نہ لاتے ہوئے پارک پہنچنے میںکامیاب ہوئے۔ مظاہرین نے پلے کارڈ اٹھا رکھے تھے جن پر ”گیانیش جسٹ ریزائن اور غدار گیانو کو جانا ہی ہوگا”جیسے نعرے درج تھے۔ احتجاج میںسٹوڈنٹس فیڈریشن آف انڈیا اور آل انڈیا سٹوڈنٹس فیڈریشن جیسے گروپس بھی شریک تھے۔ معروف ادارکار نصیر الدین شاہ ، شبانہ اعظمی، گلوکار وشال ددلانی بھی احتجاج میں دکھائی دیئے۔ دریں اثناء دارالحکومت نئی دلی میں پولیس نے کم از کم سات سو افراد کو اس وقت حراست میں لیا جب وہ چیف الیکشن کمشنر کے استعفے کا مطالبہ کرتے ہوئے جنتر منتر کی طرف مارچ کر رہے تھے ۔