ریلوے سکریپ ،سپیئر پارٹس کی چوری کی روک تھام کیلئے زیرو ٹالرنس پالیسی

لاہور (این این آئی) وفاقی وزیر ریلوے محمد حنیف عباسی کی زیر صدارت اہم اجلاس ہوا جس میں ریلوے کے مختلف شعبوں کی کارکردگی، مالی  معاملات اور آپریشنل امور کا جائزہ لیا گیا۔ اجلاس میں وفاقی وزیر نے سامان کی ترسیل میں تاخیر کرنے والے نجی وینڈرز کو فوری طور پر بلیک لسٹ کرنے کی ہدایت کی۔ انہوں نے تمام ورکشاپس اور یارڈز میں جدید سی سی ٹی وی کیمرے نصب کرنے اور نجی سکیورٹی تعینات کرنے کی ہدایت کرتے ہوئے کہا کہ ریلوے سکریپ اور سپیئر پارٹس کی چوری کی روک تھام کے لئے زیرو ٹالرنس پالیسی پر عملدرآمد یقینی بنایا جائے۔ محمد حنیف عباسی نے کہا کہ کام کے معیار پر کوئی سمجھوتہ نہیں کیا جائے گا، غفلت کے مرتکب افراد کے خلاف قانونی کارروائی ہوگی۔