جنوبی افریقہ سے تعلق رکھنے والی 85 سالہ معروف قانون دان اور انسانی حقوق کی علمبردار نوی پلے (Navanethem “Navi” Pillay) نے 2026 کا نوبیل امن انعام جیت لیا ہے۔ ناروے کی نوبیل کمیٹی نے جمعہ 9 اکتوبر کو اوسلو میں انعام کا اعلان کیا۔ انہیں امن کے فروغ اور بین الاقوامی قانون کی بالادستی کے لیے طویل خدمات کے اعتراف میں اس اعزاز سے نوازا گیا۔
نوی پلے ھارتی تامل نژاد خاندان میں جنوبی افریقہ کے شہر ڈربن میں پیدا ہوئیں۔ انہوں نے نسلی امتیاز کے خلاف جدوجہد کرنے والے کارکنوں کا دفاع کیا اور اپنے قانونی کیریئر کے دوران انسانی حقوق اور انصاف کے لیے اہم کردار ادا کیا۔
وہ اقوام متحدہ کی ہائی کمشنر برائے انسانی حقوق بھی رہ چکی ہیں اور بین الاقوامی فوجداری عدالت سمیت متعدد عالمی قانونی اداروں میں خدمات انجام دے چکی ہیں۔ روانڈا میں نسل کشی سے متعلق مقدمات میں ان کے کام نے جنسی تشدد کو نسل کشی کے جرم کے طور پر تسلیم کرنے کی قانونی پیش رفت میں بھی اہم کردار ادا کیا۔
