سموگ سے بچاؤ ہم سب کی مشترکہ ذمہ داری ہے:راجہ فہد اختر

فتح جنگ (بیورو رپورٹ) سموگ سے بچاؤ ہم سب کی مشترکہ ذمہ داری ہے، شہری احتیاطی تدابیر اختیار کریں، تحصیل منیجر ستھرا پنجاب فتح جنگ راجہ فہد اختر تحصیل منیجر ستھرا پنجاب ایجنسی فتح جنگ راجہ فہد اختر نے سموگ کے خلاف آگاہی مہم کے حوالہ سے اپنے بیان میں کہا ہے کہ سموگ ایک خاموش قاتل ہے جس سے بچاؤ کے لیے عوامی شعور بیدارباقی صفحہ 6بقیہ نمبر 36کرنا وقت کی اہم ضرورت ہے انہوں نے کہا کہ وزیر اعلیٰ پنجاب مریم نواز شریف کے ویژن ستھرا پنجاب کے تحت تحصیل فتح جنگ میں صفائی کے ساتھ ساتھ سموگ کے خاتمے کے لیے بھی عملی اقدامات کیے جا رہے ہیں۔ جگہ جگہ کوڑا کرکٹ پھینکنے یا جلانے پر پابندی عائد ہے اور خلاف ورزی کرنے والوں کے خلاف کارروائی عمل میں لائی جائے گی۔گھروں اور دکانوں کا کوڑا ڈسٹ بن میں ڈالیں یا گھر کے باہر رکھ دیں ستھرا پنجاب کے ورکرز اٹھا لیں گے راجہ فہد اختر نے کہا کہ کسان بھائی فصلوں کی باقیات کو آگ نہ لگائیں، شہری کوڑا کرکٹ اور پلاسٹک کو جلانے سے گریز کریں، دھواں چھوڑنے والی گاڑیوں اور بھٹہ خشت سے اجتناب کیا جائے۔ انہوں نے عوام سے اپیل کی کہ ماسک کا استعمال کریں، درخت زیادہ سے زیادہ لگائیں اور ماحول کو صاف ستھرا رکھنے میں ستھرا پنجاب ٹیم کا ساتھ دیں۔انہوں نے کہا کہ سموگ سے نجات کے لیے ہر شہری کو اپنا کردار ادا کرنا ہوگا، صاف ماحول صحت مند زندگی کی ضمانت ہے۔ اس حوالہ سے ستھرا پنجاب کی طرف سے سموگ کے خلاف تعلیمی اداروں،مساجد،گلی محلوں اور بازاروں میں آگاہی مہم جاری رہے گی