ہماری بیٹیاں بے پناہ صلاحیتوں، حوصلے اور خوابوں کی مالک ہیں:بلاول بھٹو

کراچی(این این آئی)پاکستان پیپلز پارٹی کے چیئرمین بلاول بھٹو زرداری بچیوں کے عالمی دن کے موقع پر اپنے پیغام میں کہا ہے کہ ہماری بیٹیاں بے پناہ صلاحیتوں، حوصلے اور خوابوں کی مالک ہیں، شہید محترمہ بینظیر بھٹو کا تاریخی سیاسی سفر اس حقیقت کی روشن مثال ہے کہ خواتین کو آگے بڑھنے کے مواقع ملیں تو وہ نہ صرف اپنی زندگی بدل سکتی ہیں بلکہ قوموں کی تاریخ کا دھارا بھی تبدیل کرسکتی ہیں۔ میڈیا سیل بلاول ہائوس سے جاری کردہ پریس ریلیز کے مطابق پی پی پی چیئرمین نے کہا کہ بچیوں کو بااختیار بنانا ایک مضبوط، خوشحال اور منصفانہ معاشرے کی تعمیر کے لیے ناگزیر ہے۔