راولپنڈی (خصوصی رپورٹر) پاکستان تحریک انصاف کے لانگ مارچ کے موقع پر پنجاب کے مختلف اضلاع سے بلائی گئی پولیس نفری نامناسب رہائش، ناقص و غیر معیاری کھانوں اور صفائی ستھرائی کے سنگین مسائل کا شکار ہو گئے تحریک انصاف کے لانگ مارچ اسلام آباد آمد اور اس موقع پر ممکنہ بدامنی و ہنگامہ آرائی کو روکنے کے لئے گجرات، شیخوپورہ اور منڈی بہاالدین سمیت دیگر اضلاع سے پولیس اہلکاروں کو ضلع راولپنڈی کے مختلف داخلی راستوں پر تعیناتی کے لئے بلایا گیا تھا جن میں 700 سے زائد اہلکاروں کو پولیس ٹریننگ سکول روات میں ٹھہرایا گیا تھا جہاں پر نامناسب رہائش، غیر معیاری و ناقص کھانے، پانی کی قلت، گندے بیت الخلاں سمیت دیگر بنیادی سہولیات کے فقدان نے اہلکاروں کو شدید اذیت سے دوچار کردیا متعلقہ حکام کی عدم توجہی کے باعث 300 سے زائد اہلکار کرائے کی عارضی رہائش رکھنے پر مجبور ہوگئے سہولیات کی عدم دستیابی پر جہاں مختلف مسائل کی ویڈیوز بھی سوشل میڈیا پر وائرل ہونے لگیں وہیں پر متعدد اہلکاروں نے خود کو ظاہر کئے بغیر بتایا کہ تحریک انصاف کا لانگ مارچ تو اسلام آباد نہ پہنچ سکا لیکن اہلکاروں کے لئے ضلع راولپنڈی میں خصوصی تعیناتی ایک یادگار بن گئی ہے متاثرہ اہلکاروں کے مطابق ہمیں روز دال، پالک اور چنے کھلائے جارہے ہیں، جس سے 350 کے قریب اہلکاروں نے پرائیویٹ کمرے کرائے پر لینے کیلئے مجبور ہوگئے ہیں یہاں تعینات پولیس اہلکاروں کو کپڑے دھونے اور نہانے کیلئے بھی پانی بھی دستیاب نہیں جس سے ایک ایک ہفتہ نہائے بغیر ڈیوٹی دینی پڑتی ہے اور پولیس کے جوان بیمار ہونے لگے ہیں پانی کی قلت کے باعث کئی دنوں سے میلی یونیفارم پہننی پڑتی ہے گندے پانی اور گندی ٹینکیوں میں کپڑے دھونے پڑتے ہیں اہلکاروں نے بتایا کہ دیگر مختلف مقامات پر ٹھہرائی گئی نفری بھی ایسے ہی حالات سے دوچار ہے بیشتر اہلکار بازار سے مہنگا کھانا کھانے پر مجبور ہیں جبکہ صفائی کا کوئی عملہ نہ ہونے کی وجہ سے بیت الخلا انتہائی گندے پڑے رہتے ہیں متاثرہ اہلکاروں نے متعلقہ اعلی حکام سے مطالبہ کیا ہے کہ صورتحال کا فوری نوٹس لے کر سہولیات کی فراہمی یقینی بنائی جائے حوالے سے ضلعی پولیس کے ترجمان نے بتایا کہ پی سی روات میں فورس کو فراہم کئے گئے کھانے کو فوڈ سیفٹی آفیسر اور محکمہ فوڈ کے افسران مسلسل چیک کرتے ہیں اس حوالے سے شکایات یا سوشل میڈیا پر وائرل ویڈیوز گمراہ کن ہیں جس کی انکوائری کی جا رہی ہے۔
