ملک نصیر کی زیر نگرانی ایس آئی مبین کی پولیس ٹیم کے ہمراہ کارروائی

دولتالہ(بیورو رپورٹ)تھانہ جاتلی پولیس کا سماج دشمن جرائم پیشہ عناصر کے خلاف موثر کاروائیوں کا سلسلہ جاری ہے، تھانہ جاتلی پولیسنے بڑی کارروائی کرتے ہوئے اقدامِ قتل کے مقدمے میں مطلوب خطرناک اشتہاری مجرم گرفتار کر لیا، تھانہ جاتلی پولیس نے سنگین وارداتوں میں ملوث مجرمان کے خلاف جاری کریک ڈان کے دوران بڑی کامیابی حاصل کرتے ہوئے اقدامِ قتل کے مقدمے میں روپوش اور اشتہاری مجرم کو گرفتار کر لیاہے تفصیلات کے مطابق:ایس ایچ او جاتلی ملک نصیر کی خصوصی نگرانی میں تفتیشی ایس آئی مبین نے پولیس ٹیم کے ہمراہ مثر کارروائی کرتے ہوئے خطرناک اشتہاری مجرم قاسم ولد احمد خان کو گرفتار کیا ہے۔ ملزم قاسم پر 3 ستمبر 2023 کو موہڑہ خیرو کے قریب زمین کے تنازع پر اپنے دیگر مسلح ساتھیوں کے ساتھ مل کر فائرنگ کرنے اور وقاص محمود کو شدید زخمی کرنے کا الزام تھا۔اس واقعے کے تناظر میں تھانہ جاتلی میں مقدمہ نمبر 462/23 (زیر دفعات324/148/149/109/427 ت پ) درج کیا گیا تھ،ملزم واردات کے بعد سے مسلسل روپوش تھا اور پولیس کو مطلوب تھا۔ایس ایچ او جاتلی ملک نصیر نے اس موقع پر گفتگو کرتے ہوئے واضح کیا ہے کہ سنگین جرائم میں ملوث اور امن و امان کی فضا خراب کرنے والے عناصر کسی رعایت کے مستحق نہیں ہیں۔ انہوں نے مزید کہا کہ اشتہاری مجرمان اور قانون شکن افراد کے خلاف بلا تفریق کارروائیاں آئندہ بھی پوری سختی کے ساتھ جاری رہیں گی۔