ڈپٹی کلکٹر کی تعیناتی کے بعد پاکستان بھر کے سمگلروں نے ملتان ائیر پورٹ کا رخ کر لیا

ملتان(نمائندہ خصوصی) ڈپٹی کلکٹر کی تعیناتی کے بعد پاکستان بھرکے سمگلروں نے ملتان ایئرپورٹ کارخ کرلیا
ایڈیشنل کلکٹر نے ملتان میں اپنی تعیناتی بچانے کیلئے مکمل طورپرآنکھیں بند کرلیں۔ ڈپٹی کلکٹر کسٹم علی آصف جنہوںنے2 سال قبل ملتان کسٹم انٹیلی جنس میں اپنی تعیناتی کے دوران سمگلروں کی سہولت کاری کر کے کروڑوں روپے کمائے تھے جنہیں کسٹم انٹیلی جنس سے حساس اداروں کی رپورٹ پرملتان سے تبدیل کیاگیا تھا انہوں نے چند ہفتے قبل اپنے قریبی دوست جوایف بی آرہیڈکوارٹر میں اہم سیٹ پرتعینات ہیں کہہ کر ملتان ایئرپورٹ پرتعیناتی کروائی کیونکہ ملتان ایئرپورٹ اس وقت پاکستان کا چوتھامصروف ترین ایئرپورٹ ہے اور سونے پرسہاگہ یہ ہے کہ کلکٹر کسٹم لاہور ایئر پورٹ سلمان افضل جنہیں ، جونیر ہو نے کی وجہ سے او پی ایس پر ایک سیاسی سفارش پر تعینات کیا گیا ہے ان کی گرفت بھی کمزور ہے جبکہ جوایڈیشنل کلکٹر رابعہ عفت ہیں وہ صرف ملتان پوسٹنگ کوخواہشمند ہیں اس لیے وہ بھی اپنی تعیناتی بچانے کیلئے کرپٹ کسٹم افسران کی طرف سے آنکھیں بندکر لیتی ہیں ڈپٹی کلکٹر علی آصف کے کسٹم انٹیلی جنس میں تعیناتی کے دوران سمگلروں سے گہرے روابط تھے انہوں نے ملتان ایئرپورٹ پر اپنی تعیناتی کے بعدسمگلروں کوکھلی چھٹی دیدی ہے اس وقت ملتان ایئرپورٹ سے روزانہ کی بنیاد پرکھلے عام موبائل، انجکشن، قیمتی کپڑا، شراب اورالیکٹرونکس ڈیوائسز سمگل ہوکر آرہی ہیں اس وقت ملتان ایئرپورٹ پرہفتہ میں50 کے قریب انٹرنیشنل فلائٹس آتی ہیں جن میں ہرفلائٹ پر4 سے5سمگلر کھلے عام ممنوعہ سامان لیکرآرہے ڈپٹی کلکٹرکی سرپرستی میں کرپٹ کسٹم اہلکار ہرسمگلر سے3 سے4لاکھ روپے لیا جاتاہے۔ اس طرح ہفتہ وارقومی خزانے کو بھاری نقصان پہنچا کرایک کروڑ سے زائد منتھلی وصول کی جا رہی ہے کھلے عام سمگلنگ کی وجہ سے کراچی اوردیگر شہروں کے سمگلروں نے بھی ملتان ایئرپورٹ کارخ کرلیاہے ڈپٹی کلکٹر علی آصف نے اپنی گرفت مضبوط کرنے کیلئے ڈپٹی سپرنٹنڈنٹس کی موجودگی کے باوجود انسپکٹرز کو شفٹ انچارج بنارکھا ہے تاکہ کسی بھی قسم کی سمگلنگ میں رکاوٹ نہ ہو امپورٹڈ موبائل اتناسمگل ہوکرآرہاہے کہ ملتان مال پلازہ راحمہ سنٹر اور سلطان سنٹر کی دکانوں پرہزاروں کی تعدادمیں سمگل فون پڑے ہوئے ہیں اور کھلے عام فروخت ہورہے ہیں کچھ دن قبل بھی کسٹم انفورسمنٹ نے موبائل فون کی بھاری کھیپ پکڑی جبکہ اس سے قبل ایڈیشنل کلکٹر شعیب کی نگرانی میں کسٹم انفورسمنٹ کی ٹیم نے کروڑوں کے موبائل فون ملتان ایئرپورٹ سے پکڑے لیکن کسی بھی ذمہ دارکسٹم اہلکار کیخلاف کوئی کارروائی نہیں ہوئی اس وقت ڈپٹی سپرنٹنڈنٹ عدنان چانڈیہ کی شفٹ کے علاوہ ہرشفٹ میں سمگلنگ کادھندہ زورشور سے جاری ہے۔ اس حوالے سے ڈپٹی کلکٹر علی آصف سے رابطہ کیاگیا تو انہوں نے کہاکہ مجھے آئے ہوئے ابھی چند ہفتے ہوئے ہیں میرے اوپرسمگلروں کی سرپرستی کا الزام غلط ہے جبکہ انسپکٹروں کو شفٹ انچارج میں نے نہیں ایڈیشنل کلکٹر رابعہ عفت نے بنایاہے اگرمجھے ان کیخلاف کسی بھی قسم کی شکایت آئی تومیں سخت محکمانہ کارروائی کروں گا۔
سمگلر