خیبرپختونخوا گورنر راج اور ایمرجنسی کے بعد جے یو آئی کی مرکزی مجلسِ شوریٰ کا دو روزہ اجلاس آج سے شروع ہوگا

ا سلام آباد (این این آئی)خیبرپختونخواہ گورنر راج اور ایمرجنسی کے بعد جے یو آئی کی مرکزی مجلسِ شوریٰ کا دو روزہ اجلاس(آج) سے شروع ہوگا  ترجمان جے یو آئی کے مطابق اجلاس میں میں ملک بھر سے اراکین مرکزی مجلس شوری شرکت کریں گے۔ ترجمان اسلم غوری کے مطابق اجلاس میں خیبر پختونخوا میں گورنر راج و ایمرجنسی کے نفاذ کا ایجنڈا سر فہرست ہے،اجلاس میں حکومت کے ماورا آئین اقدامات کے خلاف تحریک کو مزید مؤثر کرنے کے لائحہ عمل پر غور ہوگا۔اسلم غوری نے کہاکہ اجلاس میں اپوزیشن کے اتحاد کو مضبوط اور اس کا دائرہ کار وسیع کرنے کے حوالے سے بھی تجاویز کو زیر غور لایا جائے گا۔اسلم غوری نے کہاکہ اجلاس میں خطے کے حالات ،مشرقِ وسطیٰ بالخصوص حرمین شریفین کی صورتحال پر غور وخوض ہوگا۔اسلم غوری نے کہاکہ اجلاس میں ملکی سیاسی صورتحال کو مد نظر رکھ کر مستقبل کے سیاسی فیصلے کئے جائیں گے۔ ترجمان کے مطابق اجلاس میں وفاقی اور صوبائی حکومتوں کی کارکردگی کا بھی جائزہ لیا جائے گا،اجلاس میں عوامی حقوق ،مہنگائی ،بے روزگاری اور دیگر اہم قومی معاملات پر جماعت کی حالیہ تحریک کا جائز ہ اور مستقبل کے لائحہ عمل پر غور ہوگا۔