سینیٹ میں ارکان سینیٹ کو لائف ٹائم بلیو پاسپورٹ دینے کا بل منظور

اسلام آباد(ویب ڈیسک) سینیٹ میں ارکان سینیٹ کو لائف ٹائم بلیو پاسپورٹ دینیکا بل اتفاق رائے سے منظور کرلیا گیا۔سینیٹر عبدالقادر نے پاسپورٹ ایکٹ ترمیمی بل پیش کیا جس میں کہا گیا تھا کہ ایسا ریٹائرڈ پارلیمنٹیرین جس نے قومی اسمبلی یا سینیٹ کے رکن کی حیثیت سے حلف اٹھایا ہو وہ بلیو پاسپورٹ اپنے پاس رکھنے اور استعمال کرنیکا حق دار ہوگا چاہے اس نے مدت مکمل کی ہو یا نہیں۔ بل میں تجویز کیا گیا تھا کہ ارکان پارلیمنٹ کے بچوں کو بھی بلیو پاسپورٹ دیا جائے۔بل پر بحث کرتے ہوئے سینیٹر ناصر بٹ نیکہا کہ جو ریٹائر ہو چکے ہیں، سیکرٹری ہیں یا جج ان کے بلیو پاسپورٹ کینسل کریں۔سینیٹر عبدالقادر نے کہا کہ گریڈ 22 کے سرکاری افسر کے بچوں کو بھی بلیو پاسپورٹ ملتا ہے تو ارکان پارلیمنٹ کے بچوں کو کیوں نہیں ملتا؟وزیر مملکت برائے داخلہ سینیٹر طلال چوہدری نیکہا کہ ہم نے مخالفت کی ہیکہ ارکان پارلیمنٹ کے بچوں کو بلیو پاسپورٹ دیا جائے۔ سابق سیکرٹریز کے بچوں کو جو بلیو پاسپورٹ ملتا ہے اس پر حکومت بل لائیگی اور ان کا بلیو پاسپورٹ واپس لیا جائیگا۔گرین پاسپورٹ کی ریٹنگ، ریڈ اور بلیو پاسپورٹ بننے سے متاثر ہوتی ہے، جب ہم دوسرے ملک سے ویزا فری انٹری کی بات کرتے ہیں تو وہ کہتے ہیں آپ کے بلیو پاسپورٹ کتنے ہیں؟ ہم کہتے ہیں کہ بلیو پاسپورٹ کی 75 ہزار تعداد ہے تو بات آگے نہیں بڑھتی ۔