سپریم کورٹ بار ایسوسی ایشن کے صدارتی امیدوار سردار امان اللہ خان کے اعزاز میں تقریب کا انعقاد

لاہور (کورٹ رپورٹر) لاہور کے علاقے سبزہ زار کے این بلاک میں سپریم کورٹ بار ایسوسی ایشن
کے صدارتی امیدوار سردار امان اللہ خان کے اعزاز میں تقریب کا انعقاد کیا گیا۔ تقریب کا اہتمام ایڈووکیٹ سپریم کورٹ محمد اسلم زار نے کیا جس میں پروفیشنل گروپ کے سربراہ حامد خان نے بطور مہمانِ خصوصی شرکت کی۔ تقریب میں سابق سیکرٹری جنرل پاکستان تحریک انصاف محمد امین ذکی، شکیل بھٹی، محمد انجم، بشیر احمد خان، سینئر ایڈووکیٹ اکرم شیخ اور پروفیشنل گروپ سے وابستہ شخصیات سمیت متعدد وکلا رہنمائوں نے شرکت کی۔ چیئرمین محمد علی جناح لائرز فورم میاں احسان الحق ساجد بھی تقریب میں شریک ہوئے جو سابق ایڈیشنل ایڈووکیٹ جنرل پنجاب رہ چکے ہیں۔ اس موقع پر وکلا برادری کو درپیش مسائل اور سپریم کورٹ بار ایسوسی ایشن کے انتخابات 2026-27 کے حوالے سے تبادلہ خیال کیا گیا۔ انتخابات کے سلسلے میں وکلا رہنمائوں کی ملاقاتوں اور رابطوں کا سلسلہ بھی جاری ہے۔ سردار امان اللہ خان کے مطابق سپریم کورٹ بار ایسوسی ایشن کے انتخابات 29 اکتوبر کو ہوں گے۔