پنجاب میں بلدیاتی الیکشن کا بغل بجتے ہی جوڑ توڑ تیز، امیدواروں نے لنگوٹ کس لئے

لاہور (این این آئی) الیکشن کمیشن کی جانب سے پنجاب میں بلدیاتی انتخابات کے مجوزہ شیڈول کے ڈرافٹ نے صوبے بھر کی مقامی سیاست میں ہلچل مچا دی ہے۔ انتخابی بگل بجتے ہی کونسلرز اور چیئرمین کے عہدوں کے خواہشمند امیدواروں نے باقاعدہ لنگوٹ کس لیے ہیں اور گلی محلوں سے لے کر دیہاتوں تک سیاسی درجہ حرارت یکدم بڑھ گیا ہے۔ تفصیلات کے مطابق الیکشن کمیشن آف پاکستان نے ابتدائی طور پر 14 دسمبر 2026 کو پولنگ کرانے اور اکتوبر کے اواخر میں کاغذاتِ نامزدگی جمع کرنے کا پلان تیار کیا تھا، تاہم حکومت پنجاب نے اسموگ کی ابتر صورتحال، شدید سردی اور رمضان المبارک کے پیشِ نظر انتخابات کو اپریل 2027 تک مؤخر کرنے کی تجویز دی ہے۔ شیڈول کی اس کشمکش کے باوجودانتخابی میدان میں اترنے والے امیدواروں نے وقت ضائع کیے بغیر اپنی سرگرمیوں کا جارحانہ آغاز کر دیا ہے۔