راولپنڈی(سٹی رپورٹر)نیوٹان کے علاقے میں بین الاضلاعی کار لفٹر گینگ کی نیو ٹان اور ویسٹریج پولیس ٹیم پر فائرنگ,2 دن قبل تھانہ ائیرپورٹ کے علاقہ سے چوری ہونے والی لاکھوں روپے مالیت کی کار برآمد۔ تفصیلات کے مطابق نیوٹان کے علاقے میں بین الاضلاعی کار لفٹر گینگ کی نیو ٹان اور ویسٹریج پولیس ٹیم پر فائرنگ,2 دن قبل تھانہ ائیرپورٹ کے علاقہ سے چوری ہونے والی لاکھوں روپے مالیت کی کار برآمد ہوئی،ویسٹریج پولیس کو اطلاع ملی کہ ائیرپورٹ کے علاقہ سے کار چوری کرنے والا بین الاضلاعی گینگ علاقہ میں کار چوری کے لیے موجود ہے، ویسٹریج پولیس نے دلیری کے ساتھ ملزمان کا نیوٹاون کے علاقہ تک تعاقب کیا،ملزمان نے پولیس پارٹی پر فائرنگ شروع کردی، ایک فائر کانسٹیبل کو لگا جو بلٹ پروف جیکٹ ہونے کی وجہ سے محفوظ رہے،ملزمان پولیس پارٹی پر فائرنگ کرتے ہوئے چوری شدہ گاڑی چھوڑ کر فرار ہوگئے، شہریوں کی جان و مال کے تحفظ کے لیے راولپنڈی پولیس ہمہ وقت تیار ہے، ملزمان کی گرفتاری کے لیے ریڈز کیے جارہے ہیں، ملزمان کو گرفتار کر کے قانون کے کٹہرے میں کھڑا کیا جائے گا۔
