مری ، کیری حادثہ، سات خواتین اور بچیوںکی ہلاکت پر سی ٹی او کا افسوس کا اظہار

مری(نمائندہ خبریں)مری میں کیری حادثہ، سات خواتین اور بچیوں کی ہلاکت پر سی ٹی او کا اظہارِ افسوس، ٹریفک قوانین پر عملدرآمد کی اپیل چیف ٹریفک آفیسر مری منیر احمد ہاشمی نے بڑوہا چوک کے قریب لنک روڈ پر کیری بولان گاڑی کے افسوسناک حادثے میں سات خواتین اور بچیوں کے جاں بحق ہونے پر گہرے دکھ اور افسوس کا اظہار کیا ابتدائی اطلاعات کے مطابق کیری بولان گاڑی مبینہ طور پر بریک فیل ہونے کے باعث بے قابو ہو کر گہری کھائی میں جا گری جس کے بعد گاڑی میں آگ بھڑک اٹھی اور سات قیمتی جانیں ضائع ہو گئیں افسوسناک واقعے نے پہاڑی سڑکوں پر ٹریفک قوانین کی پابندی اور گاڑیوں کی فنی جانچ کی اہمیت کو ایک بار پھر اجاگر کر دیا ہے ترجمان سٹی ٹریفک پولیس کے مطابق آئی جی پنجاب، ڈی آئی جی ٹریفک پنجاب محمد وقاص نذیر، ڈی پی او مری ڈاکٹر رضا تنویر سپرا اور سی ٹی او مری منیر احمد ہاشمی کی ہدایات پر گزشتہ ایک ماہ کے دوران پبلک سروس گاڑیوں، سکول وینز اور کیری بولان سمیت مختلف گاڑیوں کے خلاف کارروائیاں کی گئیں جبکہ سینکڑوں چالان کیے گئے گاڑیوں میں فائر ایکسٹنگوشر موجود نہ ہونے پر بھی کارروائی عمل میں لائی گئی سی ٹی او مری اور ترجمان سٹی ٹریفک پولیس نے شہریوں اور ٹرانسپورٹرز سے اپیل کی ہے کہ گاڑیوں میں اوورلوڈنگ سے گریز کریں سفر سے قبل بریکوں اور دیگر فنی حصوں کی مکمل جانچ یقینی بنائیں گاڑیوں میں فائر ایکسٹنگوشر رکھیں سیٹ بیلٹ اور ہیلمٹ کا استعمال کریں اور تیز رفتاری سے اجتناب کریں انہوں نے دورانِ سفر ٹریفک وارڈنز کی ہدایات پر عمل کرنے پر بھی زور دیا۔