پوٹھوہار پارک میں قدرتی حسن اور دلکش مناظر شہریوں کی توجہ کا مرکز

راولپنڈی(خصوصی رپورٹر) پوٹھوہار پارک میں خوبصورت بدھا درخت اور رنگ برنگے موسمی پودوں کی افزائش سے پارک کی خوبصورتی میں نمایاں اضافہ، قدرتی حسن اور دلکش مناظر شہریوں کی توجہ کا مرکز بن گئے۔ہریالی، خوبصورت درختوں، رنگ برنگے پھولوں اور سرسبز ماحول سے مزین پوٹھوہار پارک اپنی منفرد دلکشی کے باعث ایک حسین منظر پیش کرنے لگا ہے۔ پارک میں بدھا درخت کی خوبصورت افزائش اور مختلف رنگوں کے پھولدار پودوں کی رونق نے ماحول کو مزید دلکش بنا دیا ہے، جس سے پارک کی مجموعی خوبصورتی میں اضافہ ہو رہا ہے۔ایم ڈی ہارٹیکلچر ایجنسی راولپنڈی احمد حسن رانجھا کی ہدایات پر پارکوں کی خوبصورتی اور سرسبز ماحول کو برقرار رکھنے کے لیے اقدامات جاری ہیں۔ ہارٹیکلچر ایجنسی راولپنڈی کی جانب سے پارکوں میں پودوں کی مناسب دیکھ بھال، موسمی پھولوں کی افزائش، شجرکاری اور سبزہ زاروں کی بہتری پر خصوصی توجہ دی جا رہی ہے تاکہ شہریوں کو صاف ستھرا، خوشگوار اور صحت افزا ماحول میسر آ سکے۔پوٹھوہار پارک میں درختوں اور پھولدار پودوں کی مناسب نگہداشت، قدرتی حسن کے تحفظ اور ماحول کو مزید خوبصورت بنانے کے اقدامات نہ صرف پارک کی رونق میں اضافہ کر رہے ہیں بلکہ شہریوں کے لیے تفریح، ذہنی سکون اور قدرت سے قربت کے مواقع بھی فراہم کر رہے ہیں۔پارکوں اور گرین بیلٹس کی خوبصورتی برقرار رکھنا، موسمی پودوں کی افزائش کو فروغ دینا اور شہر کو سرسبز و شاداب بنانا ہارٹیکلچر ایجنسی راولپنڈی کی ترجیحات میں شامل ہے۔ ان اقدامات کا مقصد راولپنڈی کو مزید سرسبز، خوبصورت، صاف ستھرا اور پرکشش شہر بنانا اور شہریوں کو معیاری تفریحی سہولیات فراہم کرنا ہے۔پوٹھوہار پارک میں بدھا درخت اور رنگ برنگے پھولدار پودوں کی دلکش افزائش اس امر کی عکاسی کرتی ہے کہ مناسب دیکھ بھال اور مسلسل توجہ کے ذریعے عوامی مقامات کے قدرتی حسن کو مزید نکھارا جا سکتا ہے۔ پارک کا حسین اور سرسبز ماحول شہریوں کے لیے ایک خوشگوار تفریحی مقام کی حیثیت اختیار کر رہا ہے،