باڑہ بازار ریڈ مینار سے ڈوگرہ ہسپتال تک تجاوزات کے خلاف آپریشن

باڑہ (نمائندہ خبریں)باڑہ بازار ریڈ مینار سے ڈوگرہ ہسپتال تک تجاوزات کے خلاف آپریشن، ڈپٹی کمشنر خیبر کی ہدایات پر عمل درآمد کرتے ہوئے ضلعی انتظامیہ باڑہ نے ایڈیشنل اسسٹنٹ کمشنر باڑہ امان اللہ خان کی نگرانی میں ٹی ایم اے باڑہ، ٹریفک پولیس اور آپریشنل پولیس کے اشتراک سے ریڈ مینار باڑہ سے ڈوگرہ ہسپتال تک تجاوزات کے خلاف آپریشن کیا گیا ۔ اپریشن کے دوران ڈوگرہ ہسپتال کے سامنے اور مرکزی باڑہ مین روڈ کے دونوں اطراف قائم تجاوزات کو ہٹا دیا گیا ۔جس کے نتیجے میں سڑک کو ٹریفک کی روانی اور پیدل چلنے والوں کی محفوظ آمدورفت کیلئے کلیئر کر دیا گیا۔اس موقع پر ایڈیشنل اسسٹنٹ کمشنر باڑہ امان اللہ نے کہا کہ باڑہ بازار اور ملحقہ علاقوں میں روڈ سائیڈ تمام تجاوزات کا خاتمہ کرنا ہے ضلعی انتظامیہ کی اس کارروائی کا مقصد سڑک کو تجاوزات سے پاک کرنا، ٹریفک کی روانی برقرار رکھنا اور شہریوں کو آمدورفت میں درپیش مشکلات کا خاتمہ کرنا ہے ۔