گھنٹوں میں 1300 فضائی حملے 440 حوثی کمانڈرجنگجو ہلاک24

ریاض ، صنعا ( نیوز ایجنسیاں) یمنی فوج نے 24 گھنٹوں کے دوران 1300سے زائد فضائی حملوں میں 440حوثی کمانڈروں اور جنگجوؤں کو ہلاک کرنے کا دعویٰ کیا ہے۔ جبکہ سعودی فوجی اتحاد کا دعویٰ ہے کہ اس نے حوثیوں کی جانب سے طائف کی جانب داغا گیا بیلسٹک میزائل فضا میں تباہ کر دیا۔دوسری جانب امریکا میں سعودی عرب کی سفیر شہزادی ریما بنت بندرکا کہنا تھا کہ حوثی ملیشیا کو شکست دینے کے لیے عالمی اتحاد تشکیل دینے کی ضرورت ہے۔یمنی مسلح افواج نے دعویٰ کیا ہے کہ فوجی آپریشن کے دوران گزشتہ 24گھنٹوں میں 1300سے زائد فضائی حملے کیے گئے جن میں حوثی گروپ کے کمانڈ سینٹرز، جنگجوؤں کے ٹھکانوں کو نشانہ بنایا گیا۔ادھریمن نے حوثی گروپ کے اس دعوے کو مسترد کردیا ہے کہ اس نے آبنائے باب المندب کے علاقے میں یمنی فوج کی پیش قدمی روک دی ہے۔غیرملکی خبررساں ادارے نے بتایا کہ یمنی حکومت کے مطابق باب المندب کا کنٹرول دوبارہ حاصل کرنے کے لیے فوجی آپریشن جاری ہے، فوجی آپریشن کے دوران حوثی جنگجوؤں اور ان کے جنگی سازوسامان کو نقصان پہنچایا گیا ہے۔یمنی مسلح افواج نے دعویٰ کیا کہ فوجی آپریشن کے دوران گزشتہ 24گھنٹوں میں 1300سے زائد فضائی حملے کیے گئے جن میں حوثی گروپ کے کمانڈ سینٹرز، جنگجوئوں کے ٹھکانوں کو نشانہ بنایا گیا۔یمنی فوج کے ترجمان بریگیڈیئر جنرل ماجد عبداللہ النزیلی کی جانب سے سوشل میڈیا پلیٹ فارم ایکس پر جاری بیان کے مطابق حملوں میں حوثی گروپ کے 440 کمانڈرز اور جنگجوؤں کو ہلاک کیا گیا جبکہ 146گاڑیاں، بھاری ہتھیار اور جنگی سازوسامان کو تباہ یا ناکارہ بنا دیا گیا۔دوسری جانب مریکا میں سعودی عرب کی سفیر شہزادی ریما بنت بندرکا کہنا تھا کہ حوثی ملیشیا کو شکست دینے کے لیے عالمی اتحاد تشکیل دینے کی ضرورت ہے ،کیونکہ کہ یہ گروہ یمن سے کہیں آگے تک پھیلتا ہوا دہشت گردی کا خطرہ بن چکا ہے۔ عالمی برادری کو حوثی ملیشیا کا اسی عزم اور یکجہتی کے ساتھ مقابلہ کرنا چاہیے جس کے ذریعے داعش کو شکست دینے میں مدد ملی تھی۔دریں اثناء سعودی فوجی اتحاد نے کہا ہے کہ طائف پر حوثیوں کی جانب سے داغے گئے بیلسٹک میزائل کو روک کر تباہ کر دیا۔عرب میڈیا کے مطابق سعودی سول ڈیفنس نے کہا ہے کہ سعودی دارالحکومت ریاض میں حوثی میزائلوں کا ملبہ گرنے سے ایک عمارت، تعمیراتی سائٹ اور گاڑی کو نقصان پہنچا ہے۔سعودی شہروں جدہ اور ینبع میں جاری کی گئی ممکنہ حملے کی وارننگ کچھ دیر بعد واپس لے لی گئی۔سعودی شہری دفاع نے شہریوں اور مقیم غیر ملکیوں کو حفاظتی ہدایات پر عمل کرنے کی تاکید کی ہے، میزائلوں یا ڈرونز کو روکنے کے واقعات اور ان کے ممکنہ گرنے کے مقامات کی ویڈیوز بنانے یا پھیلانے پر قانونی کارروائی کا انتباہ بھی جاری کیا گیا ہے۔حکام نے غیر مصدقہ ویڈیوز اور افواہیں پھیلانے سے گریز کی ہدایت بھی کی ہے۔
حوثی ہلاک