گوجرخان ( بیورو رپورٹ)بجلی کی لائنوں کی منتقلی کا کام، 7، 10 اور 12 نومبر کو گوجرخان بازار بند رکھنے کا فیصلہ، انتظامیہ کی تاجروں سے تعاون کی اپیل گوجرخان شہر میں بجلی کی موجودہ لائنوں کو ختم کرنے اور نیٹ ورک کی منتقلی کے کام کے باعث 7، 10 اور 12 نومبر کو ہفتہ وار بازار عارضی طور پر بند رکھنے کے لیے انتظامیہ متحرک ہو گئی۔آئیسکو اسلام آباد کے کنسٹرکشن ڈویژن کی جانب سے اسسٹنٹ کمشنر گوجرخان کو ارسال کیے گئے مراسلے میں بتایا گیا ہے کہ گوجرخان شہر میں بجلی کی موجودہ لائنوں کو ختم کرنے کا کام مذکورہ تاریخوں میں شیڈول ہے، جس کے لیے منظور شدہ شٹ ڈان اور پرمٹ ٹو ورک حاصل کیا گیا ہے۔مراسلے میں مقف اختیار کیا گیا ہے کہ کام کے دوران عوامی رش، ٹریفک کی روانی میں رکاوٹ اور ممکنہ حادثات سے بچنے کے لیے ہفتہ وار بازار عارضی طور پر بند رکھا جائے، جبکہ ٹریفک پولیس کو ضروری ٹریفک ڈائیورژن فراہم کرنے کی ہدایت بھی کی جائے۔انتظامیہ ان تاریخوں میں بازار بند کرانے کے لیے ضروری کارروائیاں کرے گی، جبکہ انتظامیہ نے تاجر برادری سے اپیل کی ہے کہ وہ ازخود تعاون کرتے ہوئے بازار بند رکھیں تاکہ بجلی کی لائنوں کی منتقلی اور تنصیبی کام کے دوران کسی قسم کا ناخوشگوار واقعہ یا حادثہ رونما نہ ہو۔آئیسکو حکام کے مطابق بجلی کے نیٹ ورک کی منتقلی کا کام تمام ضروری حفاظتی اقدامات کے تحت بروقت مکمل کیا جائے گا۔
