نکاح فیس 200 روپے مبارکباد کے نام سے زائد وصولی پر پابندی

ملتان ( کورٹ رپورٹر) حکومت پنجاب نے نکاح رجسٹرارز اور نکاح خوانوں کی لوٹ کھسوٹ کانوٹس لیتے ہوئیاینٹی کرپشن کو اچانک چھاپے مارنے کا حکم دیا ہے حکومت نے مقررہ 200 روپے فیس سے زائد رقم بطور مبارک بادی یا فیس لینے پر مکمل پاپندی عائد کردی ہے۔ پنجاب کے مختلف شہروں میں اینٹی کرپشن اسٹیبلشمنٹ نے چھاپوں کا سلسلہ شروع کرنے اور قانون کی خلاف ورزی کرنے والوں کے خلاف قانونی کاروائی کی جارہی ہے۔حکومت نے کہا ہے کہ نکاح کو آسان بنائیں اور مقررہ رجسٹریشن فیس جوکہ صرف 200 روپے ہے وصول کرکے رسید دیں متعلقہ سیکرٹری یونین کونسل 200 روپے وصول کرنے کی رسید دینے کا پابند ہو گا بصورت دیگر سیکرٹری یونین کونسل کے خلاف بھی قانونی کاروائی عمل میں جائے گی، 200 روپے سے زائد نکاح رجسٹرار اگر وصول کرے گا تو وہ رشوت بدیانتی کے زمرے میں آئے گا، ایس او پیز کے مطابق نکاح رجسٹرار نکاح کی سرکاری فیس 200 وصول کرنے کے بعد رسید دینے کا پابند ہو گا، جن مساجد میں گورنمنٹ پنجاب امام مسجد کو 25 ہزار روپے ماہانہ وظیفہ بھیج رہی وہاں نکاح رجسٹرار اور نکاح خواں بھی وہی امام مسجد ہونگے جو صرف سرکاری فیس وصول کر کے رسید دیں گے یا دلہا یونین کونسل سیکرٹری کے پاس نقل لیتے وقت 200 روپے نکاح رجسٹر فیس ادا کر کے سیکرٹری یوسی سے رسید وصول کرے گا، پنجاب حکومت کا شادی نکاح میں 2 سو روپے سے زائد وصولی کی شکایت پر اینٹی کرپشن کے ذریعے چھاپہ سیکرٹری یوسی، نکاح رجسٹرار اور نکاح خواں کو بھی کیسز کا سامنا کرنا پڑے گا.
نکاح فیس