جاز ورلڈ اور پنجاب انفارمیشن ٹیکنالوجی بورڈ کے درمیانMOU پر دستخط

اسلام آباد(پ ر)جاز ورلڈ اور پنجاب انفارمیشن ٹیکنالوجی بورڈ (پی آئی ٹی بی) کے درمیان عوامی خدمات کی فراہمی کو بہتر بنانے اور پنجاب بھر میں ڈیجیٹل تبدیلی کے عمل کو تیز کرنے کی غرض سے مفاہمتی یادداشت (ایم او یو) پر دستخط کر دیے گئے ہیں۔ اس اشتراک کے تحت پی آئی ٹی بی کی سرکاری شعبے میں مہارت اور جاز ورلڈ کے مواصلاتی نظام،
ڈیجیٹل پلیٹ فارمز اور تکنیکی صلاحیتوں کو یکجا کرتے ہوئے ایسی خدمات کی فراہمی کے مواقع تلاش کیے جائیں گے جو عوام کے لیے زیادہ آسان، مثر اور شہری ضروریات سے ہم آہنگ ہوں۔اس تعاون کے تحت شہریوں سے رابطے، سماجی تحفظ، تعلیم، صحت اور قدرتی آفات سے نمٹنے سمیت سرکاری شعبے کی اہم ترجیحات میں ڈیجیٹل حل تلاش کیے جائیں گے۔ ممکنہ اقدامات میں ڈیجیٹل فیڈ بیک چینلز اور عوامی ہیلپ لائنز سے لے کر ڈیٹا پر مبنی ایسے ٹولز شامل ہیں جو سرکاری اداروں کو عوامی ضروریات بہتر طور پر سمجھنے، منصوبہ بندی کو مثر بنانے اور مسائل کا بروقت حل تلاش کرنے میں مدد فراہم کر سکتے ہیں۔ اس کے علاوہ، جدید ٹیکنالوجی کے ذریعے سرکاری انتظامی امور کو مزید مثر بنانے اور ضروری عوامی خدمات تک ڈیجیٹل رسائی کو بہتر بنانے کے امکانات کا بھی جائزہ لیا جائے گا۔تعلیم، ڈیجیٹل مہارتوں اور صحت کے شعبے بھی اس اشتراک کی اہم ترجیحات میں شامل ہوں گے۔ دونوں ادارے مصنوعی ذہانت (اے آئی)، ڈیٹا اینالیٹکس اور ڈیجیٹل پلیٹ فارمز کے استعمال کے امکانات کا جائزہ لیں گے تاکہ انفرادی ضروریات کے مطابق تعلیمی سہولیات فراہم کرنے، ادارہ جاتی منصوبہ بندی کو بہتر بنانے اور بنیادی خدمات تک رسائی میں اضافہ کرنے میں مدد مل سکے۔ اس تعاون کے تحت ٹیکنالوجی پر مبنی مہارتوں کے فروغ، کاروباری سرگرمیوں اور مالیاتی شمولیت کے مواقع بھی تلاش کیے جائیں گے، جن میں سہولیات سے محروم طبقات کے لیے آسان انشورنس سلوشنز بھی شامل ہیں۔جاز ورلڈ کے چیف اسٹریٹجی آفیسر، سید علی نصیر نے کہا: جاز ورلڈ کے پاس ایسی جدید اور مثر ڈیجیٹل سہولیات تیار کرنے اور فراہم کرنے کی صلاحیت اور مہارت موجود ہے جو سرکاری شعبے کی بدلتی ہوئی ضروریات کو پورا کر سکیں۔ ڈیجیٹل خدمات فراہم کرنے کی اپنی صلاحیت کو پی آئی ٹی بی کی سرکاری شعبے کی ترجیحات سے متعلق مہارت کے ساتھ یکجا کرتے ہوئے ہمارا مقصد ایسے حل تلاش کرنا ہے جو ضروری خدمات تک عوام کی رسائی بڑھائیں، خدمات کی فراہمی کو بہتر بنائیں اور شہریوں کے لیے حقیقی افادیت پیدا کریں۔ یہ اشتراک اس امر کی عکاسی کرتا ہے کہ ڈیجیٹل ٹیکنالوجی، جدت اور جدید ذرائع عوامی خدمات کو مزید قابلِ رسائی اور مثر بنانے میں اہم کردار ادا کر سکتے ہیں۔پی آئی ٹی بی کے ڈائریکٹر جنرل (ای گورننس)، ساجد لطیف نے کہا: سرکاری اداروں کے لیے ٹیکنالوجی کی حقیقی اہمیت اس بات میں ہے کہ یہ طریقہ کار کو آسان بنائے، فیصلہ سازی کو بہتر کرے اور عوامی ضروریات کے مطابق خدمات کی فراہمی کو مزید مثر بنائے۔ جاز ورلڈ کے ساتھ تعاون کے ذریعے ہمیں جدید ٹیکنالوجی کے عملی استعمال، ڈیجیٹل صلاحیتوں کو مضبوط بنانے اور ایسے طریقہ کار کی نشاندہی کا موقع ملے گا جنہیں پنجاب کے سرکاری شعبے میں وسیع پیمانے پر متعارف کرایا جا سکے۔مفاہمتی یادداشت کے تحت دونوں ادارے مشترکہ مشاورت، ٹیکنالوجی کے عملی مظاہروں اور ابتدائی آزمائشی منصوبوں (پروف آف کانسیپٹ) کے ذریعے مشترکہ ترجیحات کا تعین اور ممکنہ ٹیکنالوجی سلوشنز کا جائزہ لیں گے۔ یہ اشتراک روایتی ٹیلی کام رابطوں سے آگے بڑھ کر ایک مربوط ڈیجیٹل سروسز پلیٹ فارم کے طور پر جاز ورلڈ کے مسلسل ارتقا کی بھی عکاسی کرتا ہے۔ اس کے ذریعے سرکاری اداروں کو ٹیکنالوجی سے بھرپور استفادہ کرنے، جدید حل تیار کرنے اور پنجاب بھر کے شہریوں اور کمیونٹیز کے لیے عملی فوائد فراہم کرنے میں معاونت کی جائے گی۔