فتح جنگ: کوہاٹ روڈ پر ڈھوک ماڑی کے قریب ڈمپر اور رکشہ میں تصادم، بچی سمیت تین افراد جاں بحق

فتح جنگ (بیورو رپورٹ) فتح جنگ کوہاٹ روڈ پر ٹریفک کا المناک حادثہ،تین افراد جاں بحق جبکہ پانچ زخمی ہو گئے جاں بحق ہونے والوں میں رومانہ دختر محمد علیم،گل رفع عمر پچاس سال،مجیب عمر پچیس سال جبکہ زخمیوں میں حوا بی بی زوجہ محمد علیم،لائبہ دختر علیم،رابیہ بی بی،سعد خان شامل ہیں حادثہ فتح جنگ سے د س کلومیٹر دور ڈھوک ماڑی کے قریب پیش آیا اطلاع ملنے پر ریسکیو 1122 کی ایمبولینس فوری طور پر جائے حادثہ پر پہنچ گئی۔ ریسکیو اہلکاروں کے پہنچنے سے قبل پانچ زخمیوں کو پرائیویٹ گاڑیوں کے ذریعے ٹی ایچ کیو ہسپتال فتح جنگ منتقل کیا جا چکا تھا، جبکہ ریسکیو 1122 کی ایمبولینس کے ذریعے دو زخمیوں کو ہسپتال منتقل کیا گیا۔ہسپتال منتقلی کے دوران تین سالہ بچی زخموں کی تاب نہ لاتے ہوئے جاں بحق ہو گئی، جبکہ پرائیویٹ گاڑی کے ذریعے ہسپتال منتقل کیے جانے والے زخمیوں میں سے دو افراد جان کی بازی ہار گئے حادثے میں مجموعی طور پر تین افراد جاں بحق جبکہ پانچ زخمی ہو گئے ہیں پولیس نے تفتیش شروع کر دی ہے