آفریدی اورجاوید میانداد کا تنازع، وسیم اکرم بھی میدان میں آگئے

لاہور(ویب ڈیسک) جاوید میانداد اورشاہد آفریدی کے درمیان جاری تنازع سے وسیم اکرم دکھی ہو گئے۔ کہتے ہیں جاوید بھائی اور شاہد دونوں دل کے بہت قریب ہیں۔ان شاءاللہ جلد معاملہ طے ہوجائے گا۔شاہد آفریدی اورجاویدمیاندادکی الفاظ کی جنگ عدالت تک جانےکا امکان ہے مگرسابق کپتان وسیم اکرم نے معاملہ جلد حل ہونےکی امید ظاہرکردی۔ سماجی رابطوں کی ویب سائٹ ٹوئٹرپراپنے پیغام میں وسیم اکرم نے بتایا کہ جاوید میانداداورشاہد آفریدی دونوں ان کے لیے اور پاکستان کیلئے کتنی اہمیت رکھتے ہیں۔ وسیم اکرم نے امید ظاہر کی ہے کہ دونوں کے درمیان تنازع جلد حل ہو جائے گا۔ایک اور ٹویٹ میں وسیم اکرم کا کہنا تھا کہ دونوں معزز کھلاڑیوں کی جانب سے ایک دوسرے پر پتھر پھینکنا بند ہونا چاہیئے، دونوں کو فوری صلح صفائی کی ضرورت ہے۔