اسلام آباد(ویب ڈیسک)چیف جسٹس ثاقب نثار نے میڈیا کمیشن کیس کی سماعت کے دوران ریمارکس دیتے ہوئے کہا ہے کہ ازخودنوٹس لینے بندکردیئے ہیں،جوازخودنوٹس لیے ہیں پہلے ان کونمٹائیں گے۔نجی ٹی وی چینل کے مالک نے ملازمین کو تنخواہوں کی عدم ادائیگی پر عدالت سے معافی مانگ لی۔
تفصیلات کے مطابق چیف جسٹس کی سربراہی میں 3 رکنی بنچ نے میڈیا کمیشن کیس کی سماعت کی، جنگ گروپ کے مالک میر شکیل الرحمن عدالت میں پیش ہوئے۔چیف جسٹس پاکستان نے استفسار کیا کہ آپ کے ادارے میں لوگوں کوتنخواہ نہیں مل رہی،ملازمین کوتنخواہیں ادانہ کرنے کی وجہ کیاہے؟۔میر شکیل الرحمن نے کہا کہ اپنے ساتھیوں سے بہت شرمندہ ہوں اورمعافی مانگتاہوں۔چیف جسٹس نے کہا کہ میرشکیل صاحب کوکچھ دکھاناچاہتے تھے وہ نہیں دکھارہے،عدلیہ کسی کےخلاف نہیں ہے،چیف جسٹس نے ویڈیوچلانے کیلئے لگائی گئی سکرین اتروادی۔
