ممبئی (شوبز ڈیسک) بالی وڈ اداکارہ جیکولین فرنینڈس نے ٹی وی ڈانس ریالٹی شو میں مادھوری ڈکشٹ کے ساتھ فلم ”تیزاب“ کے گانے ”ایک دو تین“ پر ڈانس کیا۔ بھارتی ذرائع ابلاغ کے مطابق جیکولین فرنینڈس نے فلم ”ریس تھری“ کی تشہیر کے لئے سلمان خان، انیل کپور، ڈیزی شا اور بوبی دیول کے ساتھ ٹی وی ڈانس ریالٹی شو میں شرکت کی، شو میں مادھوری ڈکشٹ بطور جج تھیں، جیکولین فرنینڈس نے شو میں مادھوری ڈکشٹ کے ساتھ فلم ”تیزاب“ کے گانے ”ایک دو تین“ پر ڈانس کیا۔ مادھوری ان دنوں فلم ”کلنک“ کی عکسبندی میں مصروف ہیں جس میں وہ کتھک ڈانس کی ٹیچر کا کردار ادا کر رہی ہیں،ادکارہ فلم ”ٹوٹل دھمال“ میں بھی دکھائی دیںگی۔
