شاہد خان کی ”کشر خان لوفر دے“ کا کیمرہ کلوز ‘ عید پر ریلیز ہو گی

لاہور(شو بز ڈیسک)عید الفطر پر ریلیز ہونے والی بڑے بجٹ کی پشتو ایچ ڈی فلم ”کشر خان لوفر دے“ کا کیمرہ کلوز ہوگیا معروف فلم تقسیم کار ادارے شاہد فلمز پروڈکشن کی پشتو فلم” کشر خان لوفر دے“ کے مصنف محمد کمال پاشا، مکالمہ نگار سعید تہکالے ہےں ۔” کشر خان لوفر دے“ کے نمایاں ستاروں میں اداکار شاہد خان،وردہ خان،مہک نور،دلبر منیر، میڈم شہناز،محمد حسین سواتی ،بابر، طارق جمال،زمان بغدادی،محمد علی، زرداد بلبل جہانداد خان اور عمران خان خٹک شامل ہیں ۔ ایورنیو سٹوڈیو میںتدوین اور ڈبنگ کا کام جاری ہے ۔ ہدایت کار ارشد خان نے بتایا کہ ایک بار پھر بہترین اور کلاسک کہانی پر ہم نے فلم بنائی ہے جس میں فلم بینوں کےلئے متاثر کن پیغام موجود ہے فلم کا مرکزی کردار شاہد خان نے ادا کیا ہے۔ ولن کے کردار زمان بغدادی، جہانداد خان، محمد حسین سواتی اور عمران خان خٹک نے پلے کئے ہیں۔ امید ہے کہ عید الفطر پر ہماری یہ کاوش خوب رنگ جمائے گی ۔ فلم کی تمام عکس بندی بالاکوٹ میں مکمل کی ہے ۔