عماد وسیم کیریبین لیگ چھوڑ کر وطن واپس آگئے

لاہور(آئی این پی) قومی آل راﺅنڈر عماد وسیم کیربئین پریمئیر لیگ چھوڑ کر وطن واپس آگئے۔پی سی بی نے عماد وسیم کو ایبٹ آباد کے فٹنس کیمپ کےلئے طلب کر رکھا ہے، قومی کرکٹرز نے ایبٹ آباد پہنچنا ہے، شعیب ملک بھی سی پی ایل چھوڑ کر وطن واپس پہنچ رہے ہیں۔عماد وسیم نے ٹوئٹر پر اپنے پیغام میں کہا کہ ٹریننگ کیمپ میں شرکت کیلیے سی پی ایل سے جلدی واپس جانا پڑ رہا ہے، تاہم جمیکا تلاواز کی نمائندگی کرکے خوشی ہو ئی، سی پی ایل کے بقیہ میچز کیلیے میری نیک خواہشات ٹیم کے ساتھ ہیں۔