کراچی :دہشتگردوں کیخلاف گھیرا تنگ ….امجد صابری کے قتل میں ملوث گرو ہ گرفتار

کراچی میں امن دشمنوں کے خلاف گھیرا تنگ ہو گیا۔ کاو¿نٹر ٹیررازم ڈیپارٹمنٹ کی کامیاب کارروائیاں جاری ہیں۔ وزیراعلیٰ سندھ مراد علی شاہ کا کہنا ہے کہ لیاقت آبادکے علاقے سے2افراد کو گرفتار کیا گیاہے جو امجد صابری کے قتل سمیت متعدداہم وارداتوں میں ملوث ہیں جب کہ اس گروہ کا تعلق لشکرجھنگوی نعیم بخاری گروپ سے ہے۔کراچی میں پریس کانفرنس کرتےہوئےمرادعلی شاہ کا کہنا تھا کہ لیاقت آبادسےگرفتارملزمان28میں سے9اہم وارداتوں میں ملوث ہیں، ملزمان اتحاد ٹاو¿ن میں 4 رینجرز اہلکاروں اوریکم دسمبر2015 کو 2 ملٹری پولیس کےافسران کوشہید کرنےمیں ملوث ہیں جب کہ 12 پولیس اہلکاراورفرقہ وارانہ بنیادوں پر 7 افراد کی ٹارگٹ کلنگ میں بھی یہی ملزمان ملوث ہیں۔ ان کا کہنا تھا کہ 21 مئی کو عائشہ منزل پر ٹریفک پولیس اہلکاروں کو قتل کرنے والوں میں بھی یہ لوگ ملوث ہیں۔وزیراعلیٰ سندھ کا کہنا تھا کہ امجد صابری قوال قتل کیس میں بھی اسی گروہ کا ہاتھ ہے، یہ سب شواہد ہتھیاروں کے فرانزک ٹیسٹ سےملے ہی،ں پولیومہم کےدوران پولیس اہلکاروں کوبھی انہی ہتھیاروں سےشہید کیا گیا تھا جب کہ سی ٹی ڈی کےافسران کئی دنوں سےان دہشت گردوں کے پیچھے لگے ہوئے تھے۔ ان کا مزید کہنا تھا کہ ملزمان سے 2 ایم پی فائیو،28 پستول اورمتعدد ہینڈ گرنیڈ بھی برآمد ہوئے ہیں۔سی ٹی ڈی کے چھاپے کے دوران امجد صابری کے قتل اور ملٹری پولیس پر حملے میں ملوث دو دہشتگرد گرفتار کر لئے گئے۔ ملزموں کے قبضے سے بارودی مواد، کیچر، ہیلمٹ اور جیکٹس بھی برآمد ہوئیں۔ اس سے پہلے سی ٹی ڈی نے فرقہ وارانہ ٹارگٹ کلنگ میں ملوث پانچ دہشت گردوں کو حراست میں لیا۔ ملزموں کا تعلق کالعدم تنظیم سے ہے۔ دہشتگردوں نے شفیق موڑ، پٹیل پاڑہ اور ناظم آباد میں چھ افراد کی ٹارگٹ کلنگ کی۔ دہشت گردوں نے تبلیغی جماعت کے دو، اہل سنت والجماعت کے تین کارکنوں اور مسجد کے پیش امام کو قتل کیا تھا۔