لاہور (سیاسی رپورٹر) سندھ کے سابق گورنر ڈاکٹر عشرت العباد نے ہفتے اور اتوار کی درمیانی شب روزنامہ خبریں کے چیف ا یڈیٹر ضیاشاہد کو فون کیا اور کچھ دیر اپنی گورنرشپ کے دوران ہونے والے واقعات کے حوالے سے گفتگو کی۔ انہوں نے اخبار کا شکریہ بھی ادا کیا اور کہا کہ میرا ٹیلی فون نمبر آپ کے پاس آ گیا ہے انشاءاللہ آئندہ بھی رابطہ رہے گا۔ انہوں نے کہا کہ 14 برس کا طویل دور مسائل میں گزرا لیکن مجھے خوشی ہے کہ اختتامی چند برس میں کراچی کے حالات میں نمایاں بہتری آئی۔ جواب میں چیف ایڈیٹر نے ان کا شکریہ ادا کیا انشاءاللہ ٹیلی فون پر آپ سے تفصیلی تبادلہ خیال ہوتا رہے گا۔
