لاہور (لیڈی رپورٹر) پیپلز پارٹی کے یوم تاسیس کے موقع پر لاہور میںبلاول ہاوس کے باہر تقریب کا انعقاد کیا گیا جس دوران کارکنان کیک پر ٹوٹ پڑے۔چیئرمین پاکستان پیپلز پارٹی بلاول بھٹو زرداری کی زیر قیادت لاہور میں ان کی رہائش گا ہ پر یوم تاسیس منایا جا رہا ہے۔ بلاول بھٹو آصفہ بھٹو کی وہیل چیئر کو خود دھکیل کر تقریب میں لائے ،آصفہ بھٹو چند روز قبل بلاول ہاوس میں گر گئی تھیںجس کے باعث ان کے پاوں میں شدید چوٹ آئی تھی، کارکنان کی جانب سے بلاول بھٹو کا جلسہ گاہ میں شاندار استقبال کیا گیا،یوم تاسیس کی تقریبات چھ ستمبر تک جاری رہیں گی۔لاہور بلاول ہاوس میںیوم تاسیس کی تقریب میں وزیراعلی سندھ مراد علی شاہ، سابق وزیر اعظم یوسف رضا گیلانی ،قمر زمان کائرہ سمیت دیگر سینئر رہنماوں و کارکنوں کی بڑی تعداد موجود تھی۔بلاول بھٹو نے پارٹی رہنماوں اور کارکنان سے ملاقاکتیں کیں اور سیلفیاں بھی بنوائیں، جلسہ گاہ میں پارٹی ترانوں پروالہانہ رقص اور جئے بھٹو کے نعرے گونجتے رہے، بلاول ہاوس کے باہر اس وقت نظمی پیدا ہوئی جب یوم تاسیس کے حوالے سے کیک کاٹا گیا، کیک کاٹنے کی دیر تھی کہ جیالوں نے پر جوش انداز میں کیک پر یلغار کر دی، اور کیک حاصل کرنے کے لئے خوب جوہر دکھائے، کارکنوں نے کیک کھانے کیلئے ٹیبلوں پر پڑے چمچوں اور پلیٹوں کو زحمت نہ دی ،جس کے ہاتھ جتنا کیک آیا لے اڑے۔
