مظلوم کشمیریوں کیلئے خبریں ، چینل ۵کا” کشمیرمشاعرہ“نا مور شعراء،شاعرات کی شرکت، جذباتی مناظر،شعراءکے کلام میں کشمیربارے مظالم کی منظر کشی قابل تحسین شرکت پر شکریہ :ضیاشاہد

لاہور(خبر نگار) کشمیر میں بھارتی فوج کی جانب سے کئے جانے والے مظالم پر مظلوم کشمیریوں کے ساتھ اظہار یکجہتی کےلئے روزنامہ خبریں وچینل 5کے زیر اہتمام مشاعرے کا انعقاد کیا گیا جس میں شاعر اور شاعرات کی کثیر تعداد نے شرکت کی جن کا کلام سن کر حاضرین نے نہ صرف داد دی بلکہ جزباتی ہوکر رو بھی دیئے ۔مشاعرے کی صدارت معروف شاعر نجیب احمد نے کی ،مشاعرے کے میزبان چیف ایڈیٹر روزنامہ خبریں ضیا شاہد نے تمام شعرا ءکا شکریہ ادا کرتے ہوئے کہا کہ اج کا پروگرام مظلوم کشمیریوں کے ساتھ اظہار یکجہتی کا ہے انڈین فوج کشمیر یوں پر ظلم کی انتہا کر رکھی ہے اب کشمیریوں کی آواز کو نہیں دبایا جاسکتا انہوں نے مزید کہا کہ شعراءنے جو کشمیر میں ہونے والے مظالم کی منظر کشی ہے وہ قابل تحسین ہے ۔مشاعرے کی نظامت شاعرہ فاخر نے کی مشاعرے میں شریک شعراءجن میں خالد شریف ،دلشاد نسیم ،فرحت عباس شاہ ،توقیر احمد ،ہمایوں خاں ،سعود عثمانی ،ابتہاج ترابی ،ڈاکٹر غافر شہزاد ،شہزاد بلوچ ،ریاض ،رحمان راجہ ،نائلہ ملک ،روحی طاہر ،مسز سلطانہ ،ڈاکٹر عنبرین ،صلاح الدین ،فریحہ نقوی ،صائمہ آفتاب شامل ہیں نے اپنے کلام میں مظلوم کشمیریوں پر ہونے والے مظالم کو خوب اجاگر کیا ۔