سیشن عدالت میں اداکار علی ظفر ،میشا شفیع کیس کی سماعت 19 ستمبر تک ملتوی

لاہور (ویب ڈیسک )لاہو ر کی سیشن عدالت میں اداکار علی ظفر ،میشا شفیع کیس کی سماعت ہوئی ۔ عدالت نے آئندہ سماعت 19 ستمبر تک ملتوی کر دی جبکہ سماعت پر میشا شفیع کے وکلاءکو علی ظفر کے بیان پر جرح کیلئے طلب کر لیا ہے ۔ علی ظفر کا کہنا تھا کہ میں جرح کیلئے ہی بیرون ملک سے یہاں آیا ۔ جبکہ میشا شفیع کے وکیل نے بتایا کہ میں نے صبح ہی علی ظفر کو منع کر دیا تھا کہ آپ نہ آئیں ۔ جبکہ اس دوران کمرہ عدالت میں علی ظفر غصہ میں بھی آ گئے ۔ ان کا کہنا تھا کہ پھر تاریخ پہ تاریخ مانگی جا رہی ہے ۔ میرے کیس کی روزانہ کی بنیاد پر سماعت کی جائے ۔ مگر عدالت نے پھر 19 ستمبر کی تاریخ مقرر کر دی ہے ۔