مظفر آباد: (ویب ڈیسک) آئیں سب چلیں مظفر آباد، بن کر کشمیریوں کی آواز، مظلوموں سے اظہار یکجہتی کیلئے آج آزاد کشمیر کے دارالحکومت میں بڑا جلسہ ہو گا، وزیراعظم کشمیر کا مقدمہ ایک پھر دنیا کے سامنے پیش کریں گے۔جلسے میں آزاد کشمیر کی اعلیٰ حکومتی شخصیات اور تحریک انصاف کی قیادت بھی شریک ہوگی۔ وزیراعظم عمران خان خصوصی خطاب کے ذریعے کشمیریوں پر ہونیوالے ظلم کے خلاف ا?واز بلند کریں گے اور دنیا کے سامنے ایک بار پھر بھارت کا مکروہ چہرہ بے نقاب کریں گے۔جلسے کی سیکیورٹی کیلئے 2 ہزار پولیس اہلکار فرائض سنبھالیں گے۔ جلسے کے شرکاءکے لئے خصوصی راہداریاں بھی قائم کی گئی ہیں۔ پنڈال میں کشمیریوں سے یکجہتی کے اظہار کے لئے بینرز اور جھنڈے آویزاں کیے گئے ہیں۔سیاسی قیادت کے ساتھ ساتھ کھلاڑی اور شوبز ستارے بھی نہتے مظلوموں کے ساتھ اظہار یکجہتی کیلئے میدان میں ا?گئے ہیں، بوم بوم بھی مظفرآباد جلسے میں شرکت کریں گے۔ شاہد آفریدی نے اپنی ٹوئٹس میں کہا وہ کشمیریوں کی آواز بننے کے لیے وزیراعظم کو جوائن کریں گے۔ انہوں نے مزید لکھا کہ ہر آواز کی اپنی اہمیت ہے۔
