لاہور (ویب ڈیسک)وزیر اعظم عمران خان کل امریکا پہنچیں گے جہاں وہ اقوام متحدہ کی جنرل اسمبلی سمیت مختلف فورمز پر مقبوضہ کشمیر میں بھارتی ظلم و بربریت کے معاملے کو اٹھائیں گے۔دفتر خارجہ کے مطابق وزیر اعظم عمران خان 21 سے 27ستمبر تک نیویارک میں ہونے والے اقوام متحدہ کی جنرل اسمبلی کے اجلاس میں پاکستان کے وفد کی قیادت کریں گے۔دفتر خارجہ کے مطابق وزیر اعظم اقوام متحدہ کی جنرل اسمبلی سے جمعہ، 27ستمبر کو خطاب کریں اور تنازعہ جموں و کشمیر کے بارے میں پاکستان کاموقف اور نقطہ نظر پیش کریں گے اور وہاں کی انسانی حقوق کی صورتحال کے بارے میں بتائیں گے۔اقوام متحدہ کی جنرل اسمبلی میں وزیر اعظم کے خطاب کا محور مسئلہ کشمیر ہو گا اور وہ مقبوضہ کشمیر میں بھارتی ظلم و زیادتی اور انسانی حقوق کی خلاف ورزیوں کو مسئلے کو اجاگر کرنے کے ساتھ ساتھ اس معاملے پر دنیا کو پاکستان کے موقف سے بھی آگاہ کریں گے۔بیان میں بتایا گیا کہ وزیراعظم مختلف خطوں سے اپنے منصوبوں کے ساتھ دوطرفہ ملاقات کریں گے اور ماحولیاتی تبدیلی’ پائیدار ترقی’ عالمی سطح پر صحت کی سہولتوں کی فراہمی اور ترقی کے لیے مالی مدد سمیت اقوام متحدہ کے اعلیٰ سطح اجلاسوں میں شرکت کریں گے۔عمران خان نفرت انگیز تقاریر کے سدباب کے سلسلے میں پاکستان اور ترکی کی جانب سے مشترکہ طور پر منعقد کیے جانے والے ایونٹ میں بھی شرکت کریں گے جبکہ ماحولیاتی تحفظ اور غربت کے خاتمے کے بارے میں اعلیٰ سطح کی تقاریب میں شرکت اور خطاب کریں گے جن کی ملائیشیا اور پاکستان مشترکہ میزبانی کریں گے۔پاکستان’ ملائیشیا اور ترقی کا سہ فریقی سربراہ اجلاس جنرل اسمبلی کے اجلاس کے موقع پر ہوگا۔دفتر خارجہ کے مطابق وزیر اعظم عالمی اداروں کے میڈیا نمائندگا سے ملاقات کے ساتھ ساتھ ان کے ایڈیٹوریل بورڈ سے بھی ملیں گے جبکہ اس کے ساتھ ساتھ ان کی انسانی حقوق کی تنظیموں کے سربراہاں سے بھی ملاقاتیں طے ہیں۔وزیر خارجہ شاہ محمود قریشی بھی اقوام متحدہ کے اجلاس میں شرکت کرنے کے ساتھ ساتھ مختلف ملکوں کے ہم منصبوں سے ملاقات اور خارجہ امور پر تبادلہ خیال کریں گے۔یاد رہے کہ وزیر اعظم سعودی عرب کے دو روزہ دورے کے بعد امریکا جائیں گے جہاں انہوں نے خادمین حرمین شریفین شاہ سلمان اور سعودی ولی عہد محمد بن سلمان سے ملاقات کر کے اہم امور پر تبادلہ خیال کرتے ہوئے سعودی عرب کو اپنے مکمل تعاون کی یقین دہانی کرائی۔
