اسلام آباد (مظہر شیخ سے) نور مقدم قتل کیس میں سینٹ کی قائمہ کمیٹی برائے ہیومن رائٹس کے نوٹس کے بعد انصاف کا گھوڑا تیز ہوگیا۔
پولیس کی تفتیشی ٹیم نے مزید حقائق اگلوا لیے دوران تفتیش ملزم کے انکشافات نے عوام کو کرب اور خوف میں مبتلا کر دیا ملزم کی کریمنل ہسٹری کو کیڈ کا حصہ بنانے کا فیصلہ۔
ملزم کے فنگر پرنٹس حاصل کر کے امریکہ اور برطانیہ سے کریمنل ریکارڈ بھی منگوا لیا گیا۔
ملزم کے والدین اور ملازمین کو جوڈیشل ریمانڈ پر اڈیالہ جیل بھجوا دیا گیا ہے۔ قتل کا مقدمہ تھانہ کوہسار پولیس اسٹیشن میں درج ہے۔
نور مقدم کے ایک دوست کی جانب سے اس مہم کا باقائدہ آغاز کیا گیا تھا جس میں انہوں نے اپیل کی تھی کہ ظاہر جعفر ایک امیر گھرانے سے تعلق رکھتا ہے، اس کےوالدین کے پاس شہر کے بہترین وکلاء اور قانونی ماہرین کی مدد حاصل کرلی ہے اور ان کے پاس وسائل ہیں کہ وہ اس جنگ کو بلا مقابلہ لڑ سکیں۔ نور کے دوست کی حیثیت سے اس مہم کا آغاز کر رہے ہیں تاکہ والدین اپنی بیٹی کو انصاف دلا سکیں۔
اس مقدمے میں انداز ایک لاکھ 20 ہزار ڈالرز کا خرچ لگنے کی امید کی جارہی ہے جبکہ اب تک 36 ہزار 354 ڈالرز جمع کرلیے گئے ہیں۔
مہم بدھ کے روز طارق غفار نے شروع کی تھی چونکہ عدالتی مقدمات لمبے ہوتے ہیں قانونی چارہ جوئی کے متعدد مراحل کےلیے کل اخراجات کا حساب لگایا جاتا ہے۔ “اس پلیٹ فارم کے ذریعہ جمع ہونے والی تمام آمدنی نور کے معاملے میں براہ راست لڑنے کے لئے استعمال ہوگی۔
